Məzmuna keç
    Təklif olunan nəticələrə daxil olmaq üçün irəliləyin
    COVID-19 ilə bağlı yeniləmə
    Ləğvetmə və geri ödəniş seçimlərini tapmaq üçün Səfərlər səhifəsindən rezervasiya seçin. Yüngülləşdirici hal siyasətimiz yalnız müəyyən rezervasiyalara aid edilir. Yeniləmələri hər ayın 1-i və 15-də təmin edirik.
    Airbnb haqqında əsas məlumatlar

    Yüngülləşdirici Hal Siyasəti

    Qeyd: Bu məqalə koronavirus (COVID-19) pandemiyası ilə əlaqəli vəziyyətlərə aid deyil. COVID-19 ilə əlaqəli hallar, xüsusilə də 14 mart 2020-ci il tarixindən sonra bron edilən rezervasiyalar üzrə əhatə məhdudiyyətləri barədə öyrənmək üçün COVID-19 ilə bağlı yüngülləşdirici hal məqaləmizə nəzər salın.

    Bu siyasət 19 yanvar 2021-ci il tarixli və ya ondan əvvəlki girişlərə tətbiq olunur. Həmin tarixdən sonrakı girişlər üçün aşağıda göstərilən yenilənmiş siyasət tətbiq olunacaq.

    19 yanvar 2021-ci il tarixinədək qüvvədədir

    İş prinsipi

    Nəzarətiniz xaricində olan gözlənilməz yüngülləşdirici hal səbəbindən bronu ləğv etməlisinizsə, sizə geri ödəniş edə və ya ləğvetmə cərimələrini ləğv edə bilərik. Yüngülləşdirici Hal Siyasətimizin əhatə etdiyi halların siyahısı aşağıda verilir. Ləğv etməzdən əvvəl vəziyyətinizin aşağıdakı siyahıya daxil edildiyini və tələb olunan sənədləri təqdim edə bildiyinizi yoxlayın.

    Unutmayın ki, cəriməsiz ləğvetmələr yalnız rezervasiyanız üzrə rəsmi giriş tarixindən əvvəl baş verən yüngülləşdirici hallar üçün mövcuddur. Bundan əlavə, Yüngülləşdirici Hal Siyasətimiz ayrıca Luxe Qonaq Geri Ödəniş Siyasətinə tabe olan Luxe və ya Luxury Retreats rezervasiyalarına tətbiq olunmur.

    Sənədlərin tələb olunduğu hallar

    Ev sahibi, qonaq və ya onun ortaq ev sahibi, əlavə qonaq, yaxın ailə üzvü, yaxud da baxıcının ölümü. Bu sənədlərdən birini təqdim etməyiniz xahiş ediləcək:

    • Ölüm haqqında şəhadətnamə
    • Nekroloq
    • Mərhumun adının çəkildiyi xəbər məqaləsi
    • Polis hesabatı

    Ev sahibinə və ya səyahət edən qrupun üzvünə təsir göstərən gözlənilməz ağır xəstəlik, yaxud da xəsarət. Həkimin şəxsin gözlənilməz, ağır xəstəliyə və ya xəsarətə görə ev sahibliyi, yaxud da səyahət edə bilməməsini təsdiq edən arayışını təqdim etməyiniz xahiş olunacaq. Həmçinin arayış rezervasiyanın bron edildiyi tarixdən sonra verilməli və ləğvetmədən sonra 14 gün ərzində təqdim edilməlidir. Eyni zamanda istifadəçinin bron edərkən bildiyi əvvəlcədən mövcud olan vəziyyətlər Yüngülləşdirici Hal Siyasətimizlə əhatə olunmur.

    Münsif vəzifəsi, səyahət məhdudiyyətləri, məhkəməyə və hərbi xidmətə çağırış daxil olmaqla hökumət tərəfindən təyin edilmiş öhdəliklər. Sizdən öhdəliyi yerinə yetirən şəxsin adı ilə yanaşı, tarixi rezervasiya bron edildikdən sonrakı müddətə aid rəsmi bildirişin nüsxəsini təqdim etməyiniz xahiş olunacaq.

    Airbnb elanına dəyən, qonaqlara ev sahibliyi etməyi təhlükəli vəziyyətə gətirən və ya qonaqların su təchizatı kimi əsas imkanlardan istifadəsinin qarşısını alan gözlənilməz əmlak zərəri, texniki xidmət və imkanlarla bağlı problemlər. Planlaşdırılmış təmir işləri bura daxil deyil. Sizdən aşağıdakı sənədlərin hamısını təqdim etmək istəniləcək:

    • Problemin aradan qaldırıldığına dair dəlil
    • Onun təxmini aradan qaldırılacağı vaxt
    • Aparılan təmir işləri üzrə qaimə
    • Zərəri əks etdirən fotolar

    Yolların bağlanması və uçuşların ləğv edilməsi daxil olmaqla nəqliyyat problemləri nəticəsində təyinat nöqtənizə səyahətin qeyri-mümkün olması, səyahətin heç bir alternativ metodunun olmaması. Bura zəlzələ və ya güclü fırtına kimi təbii fəlakətlərin səbəb olduğu bağlanma və ləğvetmələr daxildir. Sizdən yolların bağlanması haqqında bildiriş və ya aviaşirkətdən uçuşun ləğv edilməsi barədə sənədlər və təyinat nöqtənizə səyahətin qeyri-mümkün olduğunu təsdiq edən dəstəkləyici sənədlər təqdim etməyiniz istəniləcək.

    Həmin gün heç bir alternativ səfərin mövcud olmadığı hallarda qatar, avtobus və ya bərə ilə səyahətlərin ləğv edilməsi. Sizdən nəqliyyat şirkətinin həmin gün fəaliyyət göstərmədiyini aydın göstərən sənədlər təqdim etməyiniz istəniləcək. Məsələn, şirkətin veb-saytının skrinşotu, yaxud da onun rəsmi bəyanatının linki.

    Xüsusi olaraq nəzərdən keçirilməyi tələb edən hallar

    Belə hallar üçün xüsusi sənəd tələb olunmur, lakin ixtisaslaşmış komandamız birbaşa təsirə məruz qaldığınızı təsdiq etmək üçün hər bir işi nəzərdən keçirəcək.

    Ləğv edilmiş Open Homes rezervasiyaları. Open Homes haqqında ətraflı məlumat.

    Qonağın təyinat nöqtəsinə və ya oradan səyahət etməsinə maneçilik törədən, yaxud qonaqlara ev sahibliyi etməyi təhlükəli edən təbii fəlakətlər, terror fəaliyyəti və mülki/siyasi iğtişaş.

    Regiona və ya böyük insan qrupuna qəfil təsir göstərən epidemiya və ya xəstəlik. Bura regionla əlaqələndirilən mövcud xəstəliklər daxil deyil - məsələn, Taylandda malyariya və ya Havay adalarında denge qızdırması. Xəstəliyin yayılması ilə əlaqədar siyasətimizə edilən istənilən yeniləmə və siyasətin tətbiqinin əhatə dairəsi Ümumdünya Səhiyyə Təşkilatı və yerli orqanların bildirişlərinə əsasən müəyyən ediləcək.

      Elanın, yaxud da təcrübənin yerləşdiyi mövqeyə və ya oradan səyahəti məhdudlaşdıran hökumət, hüquq-mühafizə orqanı, ya da hərbi tərəfindən qoyulan səyahət məhdudiyyətləri.

      Elanın, yaxud da təcrübənin yerləşdiyi və ya qonaq tərəfin yola düşdüyü mövqe üçün verilən təhlükəsizlik və mühafizə məsələləri ilə bağlı tövsiyələr.

      Elanın, yaxud da təcrübənin yerləşdiyi mövqeyə təsir göstərən mühüm elektrik enerjisi kəsilməsi.

      Təyinat nöqtəsinə səyahəti qeyri-mümkün edən viza dəyişiklikləri və ya pasport tələbləri. Bura itirilmiş və ya müddəti bitmiş səyahət sənədləri daxil deyil.

      Növbəti addımlar

      Vəziyyətinizin yuxarıdakı tələblərə cavab verdiyini təsdiqləmisinizsə, əvvəlcə evlər üzrə rezervasiyanızı və ya Airbnb Təcrübəsini ləğv edin. Rezervasiyanız tanınan yüngülləşdirici hala uyğun gəlirsə, rezervasiyanızın cəriməsiz ləğvetməyə uyğun olduğu sizə bildiriləcək və qonaq olduğuz halda tam geri ödəniş alacaqsınız.

      Rezervasiyanız avtomatik uyğun olmursa, rezervasiyanızı ləğv etməyə davam edin və sonra iddia qaldırmaq üçün bizimlə əlaqə saxlayın. Növbəti addımlarda sizə istiqamət verəcəyik. Bu addımlara tələb olunan hər hansı sənədin təqdim edilməsi və komandamızın işinizi nəzərdən keçirməsini gözləmək daxil olacaq. İddialar ləğvetmədən sonra 14 gün ərzində təqdim edilməlidir.

      Qeyd: Aşağıdakı Yüngülləşdirici Hal Siyasəti 20 yanvar 2021-ci il tarixində və ya ondan sonra edilən bütün girişlərə tətbiq olunur. 20 yanvar 2021-ci il tarixinə qədər olan bütün girişlər üçün yuxarıdakı mövcud Siyasətin tətbiqi davam edəcək. Bu Siyasətin COVID-19-a tətbiqi 20 yanvar 2021-ci il tarixində yeni Siyasət qüvvəyə mindikdə dəyişməyəcək və COVID-19 ilə əlaqəli əksər hallar istisna edilməyə davam edəcək.

      Yüngülləşdirici Hal Siyasəti

      Qüvvəyə minmə tarixi: 20 yanvar 2021-ci il

      İcmal

      Bu Yüngülləşdirici Hal Siyasəti brondan sonra sizin nəzarətinizdən kənar gözlənilməz hadisələr baş verdikdə və rezervasiyanızı tamamlamağı qeyri-mümkün, yaxud da qanunsuz hala gətirdikdə ləğvetmələrin necə idarə olunacağını izah edir. Bu Siyasət həm qonaqlama yerləri, həm də Təcrübələr üzrə rezervasiyalara tətbiq olunur.

      Bu Siyasət ləğvetməyə icazə verdikdə rezervasiyanın ləğvetmə siyasətini idarə edir və ondan üstün tutulur. Bu Siyasət ilə əhatə olunan hadisənin təsirinə məruz qalan qonaqlar rezervasiyasını ləğv edə və vəziyyətdən asılı olaraq nağd geri ödəniş, səyahət krediti və/və ya başqa təzminat ala bilər. Bu Siyasətin əhatə etdiyi hadisənin təsirinə məruz qalan ev sahibləri mənfi nəticələr olmadan ləğv edə bilər, lakin vəziyyətdən asılı olaraq təqvimlərində ləğv edilmiş rezervasiya tarixləri bloklana bilər.

      Hansı hadisələr əhatə olunur

      Bu Siyasətdə "Hadisə" sözü brondan sonra baş verən, bron zamanı gözlənilməyən və rezervasiyanın tamamlanmasının qarşısını alan və ya qanuni olaraq qadağan edən aşağıdakı vəziyyətlərə istinad etmək üçün istifadə olunur.

      Dövlətin səyahət tələblərində dəyişikliklər. Təyinat nöqtəsinə səyahət etməyə mane olan, viza və ya pasport tələblərinə dövlət qurumu tərəfindən edilən gözlənilməz dəyişikliklər. Bura itirilmiş və ya müddəti bitmiş səyahət sənədləri və ya qonağın səyahət icazəsi ilə əlaqəli digər şəxsi hallar daxil deyil.

      Elan edilmiş fövqəladə hallar və epidemiyalar. Hökümət tərəfindən elan edilmiş, yerli və ya ölkədaxili fövqəladə hallar, epidemiyalar, pandemiyalar və ictimai səhiyyə ilə əlaqədar fövqəladə hallar. Bura endemik və ya adətən, bir regionla əlaqələndirilən xəstəliklər daxil deyil - məsələn, Taylandda malyariya və ya Havay adalarında denge qızdırması.

      Dövlətin səyahət məhdudiyyətləri. Elanın yerləşdiyi mövqeyə səyahət etməyi, qalmağı və ya geri qayıtmağı qadağan edən və ya qarşısını alan, dövlət qurumu tərəfindən tətbiq olunan səyahət məhdudiyyətləri. Bura qeyri-icbari səyahət tövsiyələri və bənzər hökumət təlimatları daxil deyil.

      Hərbi əməliyyatlar və digər döyüş əməliyyatları. Hərbi fəaliyyətlər, döyüş əməliyyatları, istilalar, vətəndaş müharibəsi, terrorizm, partlayışlar, bombardmanlar, iğtişaşlar, qiyamlar, üsyan, vətəndaş itaətsizliyi və vətəndaş iğtişaşları.

      Təbii fəlakətlər. Təbii fəlakətlər, qarşısıalınmaz təbii fenomenlər, əsas kommunal xidmətlərin geniş miqyaslı kəsilmələri, vulkan püskürmələri, sunamilər və digər kəskin və anormal hava hadisələri. Bura həmin mövqedə gözlənə bilən və tez-tez baş verən hava və ya təbii şəraitlər daxil deyil - məsələn, Floridada qasırğa mövsümü zamanı baş verən qasırğalar.

      Nə əhatə olunmur

      Qalan hər şey. Bu Siyasət yalnız yuxarıda göstərilən Hadisələr üçün ləğvetmələrə icazə verir. Qalan hər şey istisna olunur. Bu Siyasətin ləğvetmələrə icazə vermədiyi vəziyyətlərə aşağıdakılar daxildir: gözlənilməz xəstəlik, naxoşluq və ya xəsarət; münsif vəzifəsi, məhkəməyə çağırışlar və ya hərbi vəzifələr kimi dövlət öhdəlikləri; səyahət tövsiyələri və ya digər hökumət təlimatları (səyahət qadağası istisna olmaqla); rezervasiyanın edildiyi tədbirin ləğvi və ya vaxtının dəyişdirilməsi; yolların bağlanması, uçuş, qatar, avtobus və bərə ilə əlaqədar ləğvetmələr kimi əhatə olunan Hadisə ilə əlaqəli olmayan nəqliyyat problemləri. Bu hallarda rezervasiyanı ləğv etsəniz, geri ödəniləcək məbləğ rezervasiyaya tətbiq olunan ləğvetmə siyasəti ilə müəyyən ediləcək.

      Sonra nə etməli

      Sizə bu Siyasətin rezervasiyanıza tətbiq olunduğunu təsdiq edən bildiriş göndərsək və ya məlumat dərc etsək, təqdim etdiyimiz ləğvetmə göstərişlərinə əməl edin. Sizə bu Siyasətin necə tətbiq olunduğuna dair bildiriş göndərdiyimiz və ya məlumat dərc etdiyimiz zaman Səfərlər səhifəsinə gedərək təsirə məruz qalmış rezervasiyanı ləğv etməklə bu Siyasətə əsasən ləğvetmə seçiminiz olmalıdır. Bu Siyasətin rezervasiyanıza aid olduğunu düşünürsünüzsə, ancaq Hadisə haqqında sizə bildiriş verməmişiksə və ya məlumat dərc etməmişiksə, rezervasiyanızı ləğv etmək üçün bizimlə əlaqə saxlayın. Bütün hallarda, Hadisənin sizə və ya rezervasiyanıza necə təsir etdiyini göstərən sənədləri təqdim etməyə hazır olmalısınız.

      Suallarınız varsa, bizimlə əlaqə saxlayın.

      Bilməli olduğunuz digər şeylər

      Bu Siyasət giriş tarixi qüvvəyə minmə tarixində və ya ondan sonra olan bütün rezervasiyalara tətbiq edilir. Bu Siyasət ayrıca Luxe Qonaq Geri Ödəniş Siyasətinə tabe olan Luxe rezervasiyalarına tətbiq olunmur.

      Əlaqəli məqalələr
      Lazım olan yardımı aldınız?

      Fərdiləşdirilmiş dəstək üçün giriş edin

      Rezervasiyalarınız, hesabınız və daha çoxu ilə bağlı yardım alın.
      Qeydiyyatdan Keç
      Sizə lazım olanı tapmırsınız?
      Yardım Mərkəzinin bu digər bölmələrində kateqoriyaya özəl məzmun tapın.