Təklif olunan nəticələrə daxil olmaq üçün irəliləyin

    Şənlik və Tədbirlər üzrə Siyasət

    Qeyd: Airbnb 20 avqust 2020-ci il tarixindən etibarən icma siyasətlərimizə uyğun olaraq doluluq üzrə 16 nəfərlik məhdudiyyət də daxil olmaqla Airbnb elanlarında bütün şənlik və tədbirlərə qlobal qadağa elan edib. Şənliklərə qoyulan bu qadağa Airbnb-də bütün gələcək bronlara tətbiq edilir və bu, növbəti bildirişə qədər qeyri-müəyyən müddətə qüvvədə qalacaq.

    İcma Standartlarımız Airbnb İcması üzvlərinin ətrafdakı məhəlləni narahat edən səs-küy yaratmasını qadağan edir. Ev Sahibləri və qonaqlar elanlardakı toplaşmalar üzrə gözləntilərə dəqiq şəkildə əməl etdiyinə əmin olmaqla bu standarta cavab verə bilər. Əksər qonaqların hörmət göstərdiyini bilsək də, hər kəsdən nə gözlədiyimiz barədə aydın təlimat təmin etmək üçün Şənliklər və Tədbirlər üzrə siyasətimizi yaratmışıq. Növbəti bildirişə qədər siyasət aşağıdakıları qadağan edir:

    • 16 nəfərdən çox şəxsin toplaşdığı yığıncaqlar
    • Narahatedici bütün şənliklər və tədbirlər

    Narahatedici şənlik təşkil etdiyi və ya 16 nəfərdən çox şəxsin toplaşdığı yığıncaqlar üzrə qaydalarımızı pozduğu haqqında məlumat verilən qonaqların hesabı Airbnb-nin platfomasında dayandırılır və ya silinir. Bəzi hallarda bu cür şənliklərdən sonra bildirilmiş qonaq rəyləri silinə bilər. Həmçinin Ev Sahibinin bu siyasəti pozan şənliyə icazə verdiyini müəyyən etsək, elanları silə bilərik. Elanın ətrafdakı icmanı narahat etdiyinə dair məlumat alsaq, Ev Sahibindən qaydalarını yeniləməsini tələb edə və ya elanı dayandıra bilərik.

    Şənliklər haqqında qaydalarımızı ciddiləşdirməklə yanaşı, narahatedici şənlikləri hətta başlamamış dayandırmağa yardım edəcək riskləri müəyyən edən texnologiyalar üzərinə də çalışırıq.

    Böyük yığıncaqlar

    Ev Sahibinin razılığından asılı olmayaraq növbəti bildirişə qədər 16 nəfərdən (həm gecə qalan qonaqlar, həm də ziyarətçilər daxil olmaqla) çox şəxsin toplaşdığı yığıncaqlara icazə verilmir.

    Şənliklər və tədbirlər

    Növbəti bildirişə qədər ölçüsündən asılı olmayaraq bütün narahatedici şənlik və tədbirlər qadağa olunur. Bu cür tədbirlər keçirən qonaqların hesabı silinə və bu qaydanı pozub qonaqların şənliklər keçirməsinə icazə verən Ev Sahibləri isə elanının silinməsi də daxil olmaqla hesabı ilə bağlı müəyyən nəticələrə məruz qala bilər.

    Problem barədə məlumat vermək

    Airbnb-də elanı yerləşdirilən əmlak narahatlığa səbəb olduqda - həddən artıq səs-küy, narahatlıq doğuran şənlik, 16 nəfərdən çox şəxsin toplanması, yaxud da təhlükəli davranış olmasından asılı olmayaraq - yerli icmanın üzvləri yerli fövqəladə hal xidmətlərinin linki təmin olunan Məhəllə Dəstəyi bölməsində bu barədə məlumat verə bilər. Həmçinin onlar hələ də davam edən şənlik barədə məlumat verə biləcəkləri Məhəllə Dəstəyi komandasının telefon nömrəsinə giriş imkanı əldə edəcək. Problem barədə məlumat verildikdən sonra Airbnb növbəti mərhələdə nə baş verəcəyini izah edən təsdiq e-poçtu göndərəcək.

    İcazəsiz şənliklərə müdaxilə

    Airbnb-də icazəsiz ev şənliklərinin sayının azaldılması uzun müddətdir ki, prioritet məsələdir. Təhlükəsiz və etibarlı səyahəti dəstəkləmək üçün tədbirlər görürük. Qlobal şənlik qadağamızın bir hissəsi olaraq icazəsiz şənlik təşkil etmək riskini yüksək hesab etdiyimiz bəzi rezervasiyaları bloklaya bilərik.

    Elan məzmunu təlimatları

    Bu siyasətə uyğun olaraq, Ev Sahibləri məkanlarını şənlik və ya tədbir yönümlü kimi reklam etməklə evlərində narahatedici şənlik və tədbirləri təşviq etməməlidir. Həmçinin Ev Sahibləri məkanlarını 16 nəfərdən çox şəxsin toplaşdığı yığıncaqlar üçün reklam etməməlidir.

    Elan başlığı, təsviri, ev qaydaları, fotoları və s. vasitəsilə bu qaydaları pozan elanlar həmin məzmun silinənə qədər dayandırıla bilər. Həmçinin bu qaydanı pozan əmlak haqqında şikayətlər aldığımız halda, elanı 30 günə qədər dayandıra, eləcə də Ev Sahibindən şənlik və tədbirlərə icazə verilmədiyini açıq şəkildə qeyd edən qayda daxil etmək üçün elanını yeniləməsini istəyə bilərik.

    Elanın yalnız şənlik və ya tədbirlərə ev sahibliyi etmək (məsələn, şənlik və ya tədbir məkanları) üçün nəzərdə tutulduğu nadir hallarda, yaxud da əmlak məhəllədə ciddi narahatlıq yaratdıqda elan Airbnb-dən həmişəlik silinə bilər.

    Fərqli əmlak növlərinə tətbiq olunan qaydalar

    Ənənəvi qonaqpərvərlik yerləri

    Ənənəvi qonaqpərvərlik məkanları (butik otellər kimi) üzrə Ev Sahiblərinin tədbirlərə öz qaydalarını təyin etməsinə etibar edirik. Ənənəvi qonaqpərvərlik üzrə Ev Sahibləri öz qərarlarına əsasən müvafiq tədbirlərə icazə verə bilər. Bu elan və tədbirlərlə bağlı şikayət aldığımız, yaxud da tədbir növlərinin uyğunsuz olduğu hallarda məkanlarla lazımi şəkildə əlaqə saxlayacağıq.

    Lazım olan yardımı aldınız?

    Əlaqəli məqalələr