Kimlərin Airbnb hesabı ola bilər

İcmamızın təhlükəsizliyi və güvənliyi bizim üçün əsas prioritetdir.

Həm qonaqların, həm də Ev Sahiblərinin təhlükəsizliyi üçün etibarlı və doğru hesab məlumatları təmin etmək vacibdir. Siyasətlərimizə zidd davranışların şahidi olsanız və ya belə hallarla qarşılaşsanız, bu barədə bizə bildirin.

Nələrə icazə veririk

Hədəfimiz hər kəsin Airbnb-dəki qonaq və Ev Sahiblərinin özlərini doğru təqdim etdiklərinə əmin olmasıdır. Buna görə də qonaqlama və ya Təcrübə bron etdikdə, yaxud məkan üçün elan yerləşdirdikdə rəsmi adınız və ünvanınız, telefon nömrəniz və digər əlaqə məlumatları kimi şəxsi məlumatlarınızı təsdiqləməyiniz tələb oluna bilər.

Həmçinin bizə aşağıdakı məlumatları verməyinizi də istəyə bilərik:

• Rəsmi ad, ünvan və/və ya digər şəxsi məlumatlar. Çox vaxt bu məlumatlar şəxsiyyətinizi təsdiqləməyimiz üçün kifayətdir.
• Rəsmi sənədinizin fotosu. Bu, sürücülük vəsiqəsi, pasport, şəxsiyyət vəsiqəsi və ya viza ola bilər. Rəsmi sənəd növləri haqqında ətraflı məlumat.
• Selfi. Sizi rəsmi sənədinizlə birlikdə göstərən bir foto da istəyə bilərik. Rəsmi sənədinizlə birlikdə uyğun selfi təmin edə bilmirsinizsə, alternativ təsdiqləmə metodu üçün bizimlə əlaqə saxlaya bilərsiniz.

İdentifikasiya məlumatlarınız Məxfilik Siyasətimizə uyğun olaraq idarə olunur. Sənədinizin doğrulanması haqqında ətraflı məlumat.

Nələrə icazə vermirik

• Şəxsiyyətin yanlış bəyan edilməsi və ya uyğun gəlməməsi: Hesab yaradan şəxs haqqındakı məlumatlar doğru olmalı, fotolar və sənədlər isə göstərilən məlumatlara uyğun olmalıdır.
• Yetkinlik yaşına çatmayan istifadəçilər: 18 yaşı tamam olmamış şəxslərin Airbnb hesabı yaratmasına və ya rezervasiya etməsinə icazə verilmir. Qonaqlama və ya Təcrübədə onları bir böyük müşayiət etməlidir.
• Təhlükəli təşkilatlarla əlaqə: Ekstremist qruplar, nifrət qrupları və mütəşəkkil cinayətkar qruplarla əlaqəsi olan şəxslərin Airbnb-də hesab yaratmasına icazə verilmir.

Cinayət qeydlərinin yoxlanılması (Yalnız ABŞ)

Keçmişdə məhkumluq hallarının olub-olmadığını müəyyənləşdirmək üçün istifadəçilərin cinayət qeydləri yoxlanıla bilər. İcmamız üçün təhlükəsizlik riskini artıra biləcək xüsusi pozuntulara görə məhkumluq hallarını yoxlayır və buna əsaslanaraq müəyyən məhkumluğu olan şəxslərin platformamızdan istifadə etməsinə icazə verilmədiyi məqamları müəyyən edirik.

Şəxsiyyətiniz yoxlandıqda nə baş verdiyi haqqında ətraflı məlumat əldə edin.