Nifrətə, təcavüzə və ayrı-seçkiliyə qarşı mübarizə

Ev Sahiblərimizin, eləcə də qonaqlarımızın təcavüz və ayrı-seçkiliyin olmadığı qonaqlama və Təcrübələrinin olmasını istəyirik.

Nələrə icazə vermirik

• Zorakılıq və təcavüz: Heç kəs zorakılıq, kiber zorakılıq, təcavüz və ya təqib etmə kimi uyğun olmayan davranışa məruz qalmamalıdır.
• Ayrı-seçkiliyə yol verəcək şəkildə xidmətdən imtina: Ev Sahibləri Ayrı-seçkilik Əleyhinə Siyasətimizdə də izah edildiyi kimi irq və ya din kimi qrupa, yaxud da kateqoriyaya mənsub olduğuna görə qonağa xidmət etməkdən imtina edə bilməz.
• Ayrı-seçkiliyə yol verən diferensial rəftar: Ev Sahibləri qorunan qrupun üzvü olduğuna görə qonağa fərqli rəftar, qaydalar və ya davranış tətbiq etməməlidir.
• Təhlükəli nitq: Heç kəs zərər verməyə çağıran, amansız və ya fərdi şəxsin qorunan qrupa aid olduğuna görə başqaları üçün təhdid, yaxud da fiziki təhlükə olduğunu iddia edən ifadə tərzinə məruz qalmamalıdır.
• Söyüşlər, nifrət nitqi və ya alçaldıcı ifadə tərzi: Heç kəs başqa fərdi şəxsin qorunan qrupa üzvlüyü ilə əlaqədar təhqirin, nifrətin, yaxud da fiziki, psixi və ya mənəvi çatızmazlıqların bildirilməsi kimi qərəzli ifadə tərzinə məruz qalmamalıdır.
• Dedneyminq və ya yanlış cinsiyyətləndirmə: Cinsiyyətini dəyişdirdikdən sonra başqa ad istifadə etdiklərini bildirən transgender kimi tanınan şəxslərə dəyişməzdən əvvəlki adları və ya əvəzliklərlə müraciət edilməməlidir.
• Kodlaşdırılmış dil və ya mikroaqressiyalar: Heç kəs qorunan qrupa üzvlüyə əsaslanaraq cəmiyyətin köklü stereotipləri olan ifadələrin hədəfinə çevrilməməlidir.
• Nifrət dolu, ayrı-seçkilik ehtiva edən və ya təhqiramiz təsvirlər, simvollar və ya əşyalar: Heç kəs dini və ya mədəniyyəti ləkələyən təsvirlərə, alçaldıcı/kodlaşdırılmış dil ehtiva edən təsvirlərə, yaxud da ekstremist və ya nifrət qrupları ilə bağlı olan simvollar, loqolar, yaxud da şüarlara məruz qalmamalıdır.

Yardım etməyə hazırıq

Siyasətlərimizə zidd davranışların şahidi olsanız və ya belə hallarla qarşılaşsanız, bu barədə bizə bildirin.