Airbnb və yerli Ev Sahibləri Keniyada təbiəti mühafizə fəaliyyətlərini dəstəkləyir

Keniyanın sahil xəttində çimərlikdə gəzişən bir qrup Airbnb Ev Sahibini görsəniz, bu, təsadüfi gəzinti deyil. Onlar toplanmasa, Hind Okeanına sürüklənəcək plastik şüşələri və digər tullantıları toplayırlar.

Ev Sahibi və Keniya Sahil Bölgəsi Ev Sahibi Klubunun İcma Lideri Pamella, doğma evi olaraq qəbul etdiyi bölgəni qorumaq məqsədilə yerli qeyri-kommersiya təşkilatı olan A Rocha Kenya-nın təşkil etdiyi çimərlik təmizliklərinə qoşulmağı planlaşdırır. "Ev Sahibi icmasını təşkil edirik; bir araya gələrək icmamız üçün əhəmiyyətli təsir yarada bilərik", - o deyir. "Hamımız bir-birimizə güvənirik; heç kim təkbaşına yaşamır".

A Rocha Kenya təhlükə altında olan təbii məskənləri araşdırmaq və bərpa etmək, eləcə də nəsli kəsilməkdə olan növləri qorumaq üçün çalışır. Pamella təbiəti mühafizə fəaliyyətlərindən ilham aldığı üçün bu təşkilatı Airbnb İcma Fondu ianəsinə namizəd olaraq təklif edib. Ev Sahibi Klubu üzvlərinə hər il İcma Fondu vasitəsilə yerli icmalarını dəstəkləmək fürsəti verilir. 

Qeyri-kommersiya təşkilatı 20-dən çox ölkədə fəaliyyət göstərən daha geniş A Rocha təbiəti mühafizə şəbəkəsinin bir hissəsidir. A Rocha Kenya icma əsaslı təbiəti mühafizə fəaliyyətləri həyata keçirir; bunlara quşları etiketləmək, manqrov ağacları əkmək və pulsuz ağac fidanları təmin etmək də daxildir. Təşkilat yerli xalq icmaları, yerli fermerlər, qadın qrupları, alimlər və digər qruplarla əməkdaşlıq zəminində tədqiqatlar aparır və ətraf mühit təhsili təklif edir.

A Rocha Kenya-nın banisi Kolin də Airbnb Ev Sahibidir. O, icmasını təbiəti qoruma mövzusunda məlumatlandırmaq üçün Pamella ilə birlikdə çalışır. "İnsanları problemin bir hissəsi olsalar belə, həll yolunun bir hissəsi kimi görürük", - Kolin deyir. "Uğur qazanmaq üçün hər növ mənşədən olan insanları cəlb etməyin zəruri olduğunu görürük".

Kolin bu illər ərzində Vatamu qəsəbəsində yerləşən ekoloji pansionatında tədqiqatçıları və Airbnb qonaqlarını qəbul edib. Bu pansionat A Rocha Kenya təbiəti mühafizə mərkəzinin ərazisində yerləşir. O, ev sahibliyindən qazandığı pulun qeyri-kommersiya təşkilatının təşəbbüslərinə töhfə verdiyini deyir. Kolinin qonaqları çox vaxt təbiəti mühafizə tədbirlərində iştirak etmək şansı əldə etdikdən sonra dəstəkçi olurlar.

Keniya Ev Sahibi Klubunun nominasiyası sayəsində A Rocha Kenya təşkilatı Airbnb İcma Fondundan 50 000 ABŞ dolları məbləğində ianə aldı. Qeyri-kommersiya təşkilatı bu maliyyə vəsaiti ilə yeni təbiət qoruğu yaratmağı və mövcud təbiət qoruğunu əlavə kölgəli gəzinti yolu ilə zənginləşdirməyi planlaşdırır. 

İanə həmçinin qeyri-kommersiya təşkilatının bu ekoloji pansionat vasitəsilə ekoturizm proqramlarını davam etdirməsinə yardım edəcək və icmaya ağac fidanları təmin etmək kimi daha çox təhsil proqramları təklif edəcək. 

2023-cü ildə Airbnb İcma Fondu ianələri üçün bütün dünyada 50-dən çox Ev Sahibi Klubu qeyri-kommersiya təşkilatları arasından namizədlər irəli sürüb. 2024 İcma Fondu ianələri üçün nominasiyalar artıq açıqdır. Ətraflı məlumat üçün yerli Ev Sahibi Klubunuzla əlaqə saxlayın.

Bu məqalədəki məlumatlar dərc edildikdən sonra dəyişmiş ola bilər.