Yeni Wi-Fi sürət testi ilə qonaqları cəlb edin

Bir çox qonaq səfərinin əla keçməsi üçün sürətli internetə güvənir və bu, uzaqdan işləyən qonaqlar üçün çox vacibdir. Airbnb-nin araşdırmalarına görə, Wi-Fi qonaqların ən çox axtardığı imkanlardan biridir və elanın imkanlarına noutbuk yönümlü iş sahəsi əlavə etmək bəzi Ev Sahiblərinin qazancını artırmasına yardım edə bilər.*

Wi-Fi bağlantısında sürət çox vacib amildir. Film izləməkdən tutmuş konfrans zənglərinə problemsiz qoşulmağa qədər müxtəlif əməliyyatlar bağlantı sürətindən asılıdır. Artıq Ev Sahibləri yeni Wi-Fi sürət testindən istifadə edərək Airbnb tətbiqindən çıxmadan elanlarının Wi-Fi sürətini təsdiqləyə bilər. Bu alət əmlakınızdakı Wi-Fi imkanının sürətini asanlıqla test etməyinizə və birbaşa elan səhifənizdə göstərməyinizə imkan verir. Beləliklə, internet bağlantısına sahib qonaqlamalar axtaran daha çox qonağı cəlb etməyinizə yardım edir.

Wi-Fi sürət testi hazırda iOS və Android üçün Airbnb tətbiqində mövcuddur. Başlamaq üçün öz məkanınızda olmalı və əmlakınızın Wi-Fi şəbəkəsinə qoşulmalısınız.

Orada olduğunuz zaman bu addımlara əməl edin:

1. Profilə, sonra isə Ev sahibliyinə keç üzərinə basın
2. Elanlara, sonra isə istədiyiniz elanın üzərinə basın
3. Elan haqqında bölməsində İmkanlara keçin
4. Ekranı sürüşdürərək Wi-Fi-a çatın və Təfərrüatlar əlavə et üzərinə basın
5. Wi-Fi sürətini test et üzərinə basın (artıq təsdiqlənməyibsə, mövqeyə girişə icazə verməli olacaqsınız)
6. Testə başla üzərinə basın
7. Nəticələr göstərildikdən sonra Wi-Fi sürətinin elan səhifənizdə görünməsi üçün Yaddaşda saxla üzərinə basın
8. Wi-Fi sürətiniz 50 Mbit/s və ya daha çoxdursa, elanınızda yüksək sürətli Wi-Fi olması seçilən cəhət kimi vurğulanacaq.

Qonaqlara Wi-Fi təklif etmək haqqında ətraflı məlumat

İnternet sürəti saniyədə meqabitlərlə ölçülür və Wi-Fi bağlantınızın nə qədər sürətli olduğunu göstərir. Wi-Fi sürət testindən əldə edə biləcəyiniz müxtəlif ölçmələr və onların mənaları:

• Ölçmə yoxdur: Wi-Fi mövcud deyil. Wi-Fi bağlantınız yoxdur, ya da qoşula bilmirsiniz. Ruteri yenidən başlatmağı və ya əmlakınızda başqa yerə keçməyi sınayın.
  
• 1-6 Mbit/s: Adi Wi-Fi sürəti. Qonaqlar mesajları yoxlaya və internetdən istifadə edə bilər.
  
• 7-24 Mbit/s: Yaxşı Wi-Fi sürəti. Qonaqlar HD videolar yayımlaya bilər.
  
• 25-49 Mbit/s: Sürətli Wi-Fi. Qonaqlar daha yüksək keyfiyyətli 4K videolar yayımlaya və video zənglərə qoşula bilər.
  
• 50+ Mbit/s: Əla! Yüksək sürətli Wi-Fi. Qonaqlar 4K videolar yayımlaya və bir neçə cihazda video zənglərə qoşula bilər. Elanınızda yüksək sürətli Wi-Fi-ı seçilən cəhət kimi vurğulayacağıq.

İnternet sürətinizi təsdiqləmək haqqında ətraflı məlumat

Test tamamlandıqdan və nəticələriniz yaddaşda saxlandıqdan sonra Wi-Fi sürətiniz (saniyədə meqabitlə) elanınızın İmkanlar səhifəsində Wi-Fi-ın yanında göstəriləcək. Beləliklə, qonaqların bron etməzdən əvvəl internet sürətinizi təsdiq etmək imkanı olacaq.

Sürətiniz 50 Mbit/s və ya daha çoxdursa, yeni bir imkanın kilidini açacaqsınız: elan səhifənizdə "Yüksək sürətli Wi-Fi" görünəcək.

Wi-Fi çox vacib imkan olduğuna görə Wi-Fi sürətinizi qonaqlara nümayiş etdirməyinizə və Airbnb-də elanınızın cəlbediciliyini artırmağa yardım edə biləcək alət təklif etməkdən məmnunuq.

*1 sentyabr 2020-ci il - 1 sentyabr 2021-ci il tarixləri arasında ən çox axtarılan imkanların ölçüldüyü Airbnb şirkətdaxili məlumatlarına əsasən.