Bu məzmun seçdiyiniz dildə mövcud deyil. Odur ki, hələlik onu mümkün olan ən yaxın dildə təqdim edirik.

Qonaqlarla ünsiyyətin əsasları

Səyahətçilərlə əlaqə qurmaq üçün ipucları və şablonlar əldə edin.
8 yan 2020 tarixində Airbnb tərəfindən
3 dəqiqəlik oxuma
3 may 2023 tarixində yenilənib

Qonaqlarla səmərəli ünsiyyət müsbət qonaq təcrübəsinə doğru atılan ilk addımdır. Qonaqların özlərini rahat hiss etməsi və yaxşı rəylər yazması üçün Ev Sahibləri müəyyən ünsiyyət qaydalarına əməl etməlidir: elanla maraqlandıqları vaxtdan etibarən məkanınızdan çıxış edənə qədər qonaqlarla aydın ünsiyyət qurmaq və suallarına cəld cavab vermək.

Əla ünsiyyət üçün ipucları

Şəffaf olun. San-Fransiskoda Ev Sahibi olan Daniel məkanı mövzusunda hər zaman dürüst olduğunu deyir. "Qonaqlarınıza söylədiklərinizlə məkanınıza çatdıqda əldə edəcəkləri bir-birinə uyğun olmalıdır", - o deyir. "Elanınızı hazırlayarkən təmkinli davranmaq yaxşı fikirdir: çox şey vəd edib daha sonra qonaqları məyus etməkdənsə, daha aşağı gözləntilər təyin edib onları xoş mənada təəccübləndirmək daha yaxşıdır."

Hər şeylə maraqlanın. İnklüzivliyə doğru ilk addımı atmaq üçün sadəcə olaraq qonaqlarınıza bu sualı verə bilərsiniz: "Məkanımda özünüzü rahat hiss etməyiniz üçün nəyə ehtiyacınız var?" Heç bir fərziyyə irəli sürməyin, bunun əvəzinə empatiya göstərin. Bu, çox önəmlidir.

Əlçatan olun. San-Fransiskodan Super Ev Sahibi Anet qonaqlara bunu deməyi xoşlayır: "Nə qədər cüzi təmir olsa da, özünüz heç bir təmir işi görməyə cəhd etməyin. Dərhal bizimlə əlaqə saxlayın, biz problemi aradan qaldıracağıq". Təcrübəli Ev Sahibləri adi problemlərlə bağlı qonaqlarla əlaqədə qalmaq üçün cəld cavablardan istifadə edir.

Qayğıkeş olun. Kiçik xeyirxahlıq jestləri qonaqların səfəri (qonaqlamanı) uzun müddət xatırlamasını təmin edə bilər. Qonaqların fikrincə, ən vacib məqam Ev Sahibinin problemlərə necə reaksiya verməsidir.

Texnologiyalardan istifadə edin: Qonaqlarla Airbnb tətbiqində ünsiyyət saxlamaq sizi qoruyur, çünki bütün söhbətlər qeydə alındığına görə gələcəkdə bir problem ortaya çıxarsa, müştəri xidmətlərinə sübut təqdim etmək üçün onlara istinad edə bilərsiniz. Bu, həm də bütün qonaqlarınızın məlumatlarını bir yerdə tapmağı asanlaşdırır.

Qonaqlarla ünsiyyət qurmaq üçün vacib məqamlar

Bron sorğusu: Qonaqlar məkanınızı bron etmək üçün əlaqə saxladıqları zaman sürətli cavabı yüksək qiymətləndirir. Bütün qonaq sorğularına 24 saat ərzində cavab verməyə çalışın.

Tez cavab vermək yalnız qonaqları məmnun etmək üçün önəmli deyil, həm də Super Ev Sahibi olmaq üçün meyarlardan biridir. Planlaşdırılmış mesajlardan istifadə etmək qonaqlarınızla məlumat paylaşımını əvvəlcədən planlaşdırmağınıza yardım edə bilər.

Bron vaxtı: Qonaqlar Ev Sahiblərinin "bron üçün təşəkkür edirəm" mesajı göndərməsini yüksək qiymətləndirir.

Salamlama mesajınızı qonağınızın profilindən əldə etdiyiniz məlumatlarla fərdiləşdirə bilərsiniz. Məsələn, onun maraqları, doğma şəhəri və hobbiləri haqqında suallar soruşa bilərsiniz. Bu, həm də qonaqdan ziyarətin məqsədini və özü ilə kimləri gətirəcəyi kimi əlavə sualları soruşmağınız üçün bir fürsətdir.

Gəlişdən əvvəl: Aydın istiqamətlər və giriş təfərrüatları qonaqların stressiz gəlişinə yardım etmək üçün vacibdir.

Elanlar tabınızın Qonaqlar üçün məlumatlar bölməsində bütün xanaları doldurun. Çox verilən sualları cavablandırın: məkanınıza istiqamətlər, giriş təlimatları və Wi-Fi. Bu məlumatlar qonaqlarınızın planlaşdırılmış giriş vaxtından 48 saat əvvəl onların Səfərlər tabında paylaşılacaq.

Giriş: Qonaqlar, xüsusilə də tarixən haqsızlığa məruz qalmış icmalardan olanlar, öz-özünə giriş etdikdə özlərini daha rahat hiss etdiklərini söyləyir. Həmçinin məkanınızdakı müxtəlif sistem və cihazlardan istifadə barədə məlumatları ehtiva edən ev təlimat kitabçası da yarada bilərsiniz.

Qonaqlamanın ilk gecəsindən sonra: Bir çox Ev Sahibləri qonaqlama müddətində qonaqlarla əlaqə saxlamağı üstün tutduğunu söyləyir. Tədbirli davranaraq hər şeyin qaydasında olub-olmadığını soruşmaq faydalıdır.

Çıxışdan əvvəl: Qonaqlarınızın çıxışdan əvvəl nə etməli olduğunu qeyd edin. Planlaşdırılmış çıxışdan bir gün əvvəl qonağa çıxış vaxtınızın və təlimatlarınızın qeyd olunduğu xatırlatma göndəririk.

Gedişdən sonra: Qonaqlarınız haqqında dərhal rəy yazmaq yaxşı fikirdir. Yanaşmanızda hörmətli olun və hər qonağı eyni standartlar çərçivəsində qiymətləndirin. Bəzi Ev Sahibləri qonaqlamaya görə təşəkkür etmək üçün qonaqlara təşəkkür qeydi göndərməyi xoşlayır.

Airbnb
8 yan 2020
Bu, faydalı oldu?