Effektiv ünsiyyət qurun

Qonaqlarla effektiv ünsiyyət yaxşı qonaqlamanı əla qonaqlamaya çevirməyə kömək edə bilər. Vacib təfərrüatları və xatırlatmaları paylaşmaq, suallara tez cavab vermək və səmimi münasibətinizi göstərmək üçün Airbnb-nin mesajlaşma xüsusiyyətlərindən istifadə edin.

Məlumatları necə çatdırmağınız uğurlu qonaqlama istiqamətində ilk addımdır. Qonaqlarınızla effektiv əlaqələr qurmaq üçün bu sadə tövsiyələrə əməl edin:

• Əlçatan olun. Bildirişləri aktiv edin və qonaqların mesajlarına tez cavab verin. San-Fransiskodan olan ev sahibi Anet adətən qonaqlara hətta kiçik problemlər üçün belə "dərhal bizimlə əlaqə saxlayın, problemi həll edəcəyik" dediyini söyləyir.

• Şəffaf olun. Qonaqların məkanda qarşılaşacaqları şeyləri dəqiq təsvir edin. San-Fransiskodan olan ev sahibi Daniel deyir: "Qonaqlara söylədikləriniz və məkanınıza çatdıqda əldə edəcəkləri şeylər bir-birinə uyğun olmalıdır".

• Açıq olun. Qonaqlardan özlərini rahat və xoş hiss etmələrinə necə kömək edə biləcəyinizi soruşun. "Öncədən təxmin edə bilmədiyimiz şeylər ola bilər", - Nyu-Meksiko ştatının Santa-Fe şəhərindən olan ev sahibi Sedi deyir.

• Qayğıkeş olun. Problemlərə reaksiyanız davamlı təəssürat yarada bilər. "Çətin vəziyyəti empatiya göstərərək və cəld həll etməyə çalışaraq düzgün şəkildə idarə etsəniz, yeni brona çevirə bilərsiniz", - Avstraliyanın Yeni Cənubi Uels ştatında Super Ev Sahibi olan Felisiti deyir.

Sualları minimuma endirmək üçün qonaqların planlaşdırdıqları və səyahət etdikləri müddətdə nələri bilməli olduqlarını əvvəlcədən təxmin edin. Bu kimi vacib anlarda mesajlar göndərmək barədə düşünün:

• Bron sorğusu və ya müraciəti. Yaxşı cavab tezliyinə sahib olmaq elanınızın Airbnb-dəki qonaq axtarışlarında daha üst sıralarda görünməsinə kömək edə biləcək bir neçə amildən biridir. 

• Bron təsdiqi. Qonaqlarla əlaqə qurmaq üçün "Bronunuz üçün təşəkkürlər" mesajı göndərin və suallarını cavablandırmağa hazır olduğunuzu bildirin.

• Gəliş. Girişdən bir-iki gün əvvəl qonaqlara təfərrüatları və istiqamətləri “Səfərlər” tabında tapa biləcəklərini xatırladın və içəri daxil olmaq haqqında hər hansı vacib qeydinizi paylaşın.

• Qonaqlama ərzində. Qonaqlar gəldikdən qısa müddət sonra rahat bir qonaqlama üçün ehtiyacları olan hər şeyin olub-olmadığını soruşun. Sevimli yerli mağazalar, restoranlar və fəaliyyətlərinizi tövsiyə edə bilərsiniz.

• Gediş. Çıxışdan qısa müddət sonra qonaqlara təşəkkür qeydi göndərin və rəy yazmalarını xahiş edin. Mümkün qədər tez bir zamanda qonaqlar haqqında rəy yazın.

Cəld cavab vermək və ya daha sonra avtomatik göndərilməsini planlaşdırmaq üçün Mesajlar tabında cəld cavablardan istifadə edə bilərsiniz.

Cəld cavab mesajlaşma parametrlərinizdə şablon kimi yaddaşda saxlanılan qısa, əvvəlcədən yazılmış mesajdır. Qonağın adı kimi təfərrüatlar üçün yertutanlar məlumatları elanınızdan və ya rezervasiyanızdan əldə edərək hər mesajı fərdiləşdirir.

Öz cəld cavablarınızı yarada və ya Airbnb-nin şablonlarını redaktə edə bilərsiniz. Məsələn, qonaqlar bron etməzdən əvvəl oxşar suallara tez-tez cavab verirsinizsə, standart cavabınızı cəld cavab kimi yaddaşda saxlamağa çalışın.

Bu məqalədəki məlumatlar dərc edildikdən sonra dəyişmiş ola bilər.