Ləğvetmə siyasətlərini seçmək

Səyahətçilər uyğunlaşma imkanı istəyir. Əslində, Airbnb qonaqlarının 44 faizi qalmağa yer seçərkən əsas ehtiyaclarından birinin pulsuz ləğvetmə olduğunu bildirir.* Buna görə də brondan sonra 48 saatdan çox pulsuz ləğvetmə müddəti olan elanlar axtarış nəticələrində seçilən cəhət kimi vurğulanır.

Doğru ləğvetmə siyasəti bronları cəlb etməklə yanaşı, hədəflərinizi də dəstəkləyə bilər. Sizin üçün ən uyğun olan standart və uzunmüddətli ləğvetmə siyasətlərini seçin. Siyasətinizi istənilən vaxt yeniləyə bilərsiniz.**

Standart ləğvetmə siyasətiniz ardıcıl maksimum 27 gecəlik rezervasiyalara tətbiq olunur.

• Yumşaq: Qonaqlar girişdən 24 saat əvvələ qədər ləğv edərək tam geri ödəniş əldə edə bilər. Bu zaman sizə ödəniş edilməyəcək. Girişdən əvvəl 24 saat ərzində ləğv etsə və giriş etməsə, sizə ilk gecə üçün ödəniş ediləcək. Girişdən sonra ləğv etsə, qonaqladığı hər gecənin və əlavə 1 gecənin haqqı sizə ödəniləcək.
• Orta: Qonaqlar girişdən 5 gün əvvələ qədər ləğv edərək tam geri ödəniş ala bilər. Bu zaman sizə ödəniş edilməyəcək. Bu müddətdən sonra ləğv etsə, qonaqladığı hər gecənin haqqı, 1 gecəlik əlavə haqq və qonaqlamadığı hər gecənin 50% -i sizə ödəniləcək.
• Məhdud: Qonaqlar girişdən 14 gün əvvələ qədər ləğv edərək tam geri ödəniş ala bilər. Bu zaman sizə ödəniş edilməyəcək. Girişdən 7-14 gün əvvəl ləğv etsələr, sizə bütün gecələr üçün cəmi məbləğin 50% -i ödəniləcək. Giriş tarixinə 7 gündən az bir müddət qalmış ləğv etsələr, sizə bütün gecələr üçün cəmi məbləğin 100% -i ödəniləcək.
• Sərt: Qonaqlar girişdən 30 gün əvvələ qədər ləğv edə bilərlər. Bu zaman sizə ödəniş edilməyəcək. Girişdən 7-30 gün əvvəl ləğv etsələr, sizə bütün gecələr üçün cəmi məbləğin 50% -i ödəniləcək. Giriş tarixinə 7 gündən az bir müddət qalmış ləğv etsələr, sizə bütün gecələr üçün cəmi məbləğin 100% -i ödəniləcək.

Bütün standart siyasətlərdə ləğvetmə girişdən ən azı 7 gün əvvəl baş verərsə, qonaqlar brondan sonrakı 24 saat ərzində tam geriş ödəniş alırlar.

Bəzi ev sahibləri standart ləğvetmə siyasətinə geri ödənişsiz seçim əlavə etməklə daha çox pul qazana bilərlər. Bu, qonaqlara endirimli qiymətlə (adətən, baza qiymətinizə 10% endirimlə) daha sərt ləğvetmə siyasəti seçməyə imkan verir. Qonaq rezervasiyanı ləğv etsə, bron edilmiş bütün gecələr üçün ödəmənin hamısı sizdə qalacaq.

Uzunmüddətli ləğvetmə siyasətiniz ardıcıl minimum 28 gecəlik rezervasiyalar olan aylıq qonaqlamalara tətbiq olunur.

• Sərt: Qonaqlar girişdən 30 gün əvvələ qədər ləğv edərək tam geri ödəniş ala bilərlər. Qonaq bu müddətdən sonra ləğv edərsə, qonaqladığı bütün gecələr və əlavə 30 gecə üçün tam ödəniş alacaqsınız. Qonaq ləğv etdikdə rezervasiyanın bitməsinə 30 gecədən az vaxt qalırsa, qalan bütün gecələr üçün tam ödəniş alacaqsınız.
• Ciddi: Qonaqlar brondan sonrakı 48 saat ərzində və girişdən ən azı 28 gün əvvəl ləğv edərək tam geri ödəniş ala bilərlər. Qonaq bu müddətdən sonra ləğv edərsə, qonaqladığı bütün gecələrin haqqı və rezervasiya tarixindən etibarən 30 əlavə gecənin haqqı sizə ödəniləcək. Qonaq ləğv etdikdə rezervasiyanın bitməsinə 30 gecədən az vaxt qalırsa, qalan bütün gecələr üçün tam ödəniş alacaqsınız.

Qonaq pulsuz ləğvetmə müddətində ləğv edərsə, təmizlik haqları tam geri ödənilir. Bu müddətdən sonra ləğv etsə, təmizlik haqqı gecəlik qiymətin bir hissəsi hesab edilir və hər hansı geri ödəniş ləğvetmə siyasətinizə əsaslanır.***

Ehtiyaclarınız, məqsədləriniz, eləcə də ideal qonaqlarınız barədə düşünün və ən uyğun siyasəti seçin. Qonaqları cəlb etmək üçün ev sahibliyi biznesinizi dəstəkləyən ən yumşaq ləğvetmə siyasətindən başlamağı düşünün.

Yumşaq siyasət aşağıdakı hallarda uyğun ola bilər:

• Tələbatın az olduğu mövsümdür və uyğunlaşdırıla bilən səyahət planları olan qonaqları cəlb etmək istəyirsiniz.
• Tələbatın yüksək olduğu mövsümdür və qonaq ləğv edərsə, məkanınızın yenidən bron ediləcəyinə əminsiniz.
• Elanınız rəqabətədavamlı mövqedədir və gec ləğvetmələr sizi narahat etmir.

Orta siyasət aşağıdakı hallarda uyğun ola bilər:

• Son dəqiqə ləğvetmələrinin qarşısını almaq istəyirsiniz.
• Qonaq ləğv edərsə, başqa bron almaq üçün bir qədər vaxtınızın olmasını tərcih edirsiniz.
• Geri ödənişin mümkün olduğu rezervasiyalar etməli olan işgüzar səyahətçilər və digər qonaqları cəlb etmək istəyirsiniz.

Məhdud siyasət aşağıdakı hallarda uyğun ola bilər:

• Ləğvetmələrin qarşısını almaq istəyirsiniz, lakin ən azı 2 həftə əvvəlcədən bildirildikdə vəziyyəti idarə edə bilərsiniz.
• Qonaq ləğv edərsə, başqa bron almaq üçün bir qədər vaxtınızın olmasını istəyirsiniz.
• Məkanınıza tələbat çoxdur, lakin müəyyən qədər uyğunlaşma imkanı axtaran qonaqlar cəlb etmək istəyirsiniz.

Sərt siyasət aşağıdakı hallarda uyğun ola bilər:

• Ləğvetmələrin qarşısını almaq istəyirsiniz, lakin ən azı 30 gün əvvəlcədən bildirildikdə vəziyyəti idarə edə bilərsiniz.
• Qonaq ləğv edərsə, başqa bron almaq üçün daha çox vaxta ehtiyacınız var.
• Məkanınıza bütün il boyu tələbat var.

*2024-cü ildə 11 qlobal bazardan olan səyahətçilər arasında keçirilən Airbnb sorğusuna əsaslanır.

**Elanınıza fərqli ləğvetmə siyasətlərinin tətbiq olunduğu xüsusi hallar ola bilər. Ətraflı məlumat

***21 aprel 2025-ci il tarixindən əvvəl bron edilmiş rezervasiyalarda qonaq girişdən əvvəl ləğv etdikdə ləğvetmə siyasətinizdən asılı olmayaraq təmizlik haqları tam geri ödənilir.

Bu məqalədəki məlumatlar dərc edildikdən sonra dəyişmiş ola bilər.