Bu məzmun seçdiyiniz dildə mövcud deyil. Odur ki, hələlik onu mümkün olan ən yaxın dildə təqdim edirik.

Öz şərtlərinizlə necə ev sahibliyi etmək olar

Parametrləri və ev qaydalarını tənzimləyərək məkanınıza istədiyiniz kimi ev sahibliyi edin.
10 noy 2020 tarixində Airbnb tərəfindən
4 dəqiqəlik oxuma
16 noy 2022 tarixində yenilənib

Seçilən cəhətlər

  • Elanınız neçə qonağa ev sahibliyi edəcəyinizi və onların istifadə edə biləcəyi imkanları təyin etməyinizə imkan verir

  • Ev qaydaları gözləntiləri təyin etməyinizə və qonaqlara ev sahibliyi tərzinizi göstərməyinizə yardım edir

  • Bron parametrləriniz qonaqların yerinizi nə vaxt bron edə biləcəyini müəyyən edir

Daha əvvəl heç vaxt rastlaşmadığınız insanları məkanınızda qarşılamaq sizin üçün yeni ola bilər. Airbnb ev sahiblərinin ev sahibliyi mövzusunda daha rahat hiss etməsini istəyir, buna görə də görə də necə və nə vaxt ev sahibliyi edəcəyinizi idarə etməyə imkan verən parametrlər və xüsusiyyətlər təklif edir.

Bron parametrlərinizi öz ehtiyaclarınıza, məkanınızın mövcudluğuna və tərcihlərinizə, məkanınızda hansı imkanların qonaqlar üçün əlçatan olduğuna və ya məkanınızda neçə qonağın yerləşə biləcəyinə əsasən fərdiləşdirə bilərsiniz.

Bron parametrlərinizi necə seçəcəyinizə və ya ev qaydalarınızı necə yaradacağınıza əmin deyilsinizsə, narahat olmayın. Fərqli seçimlər mövzusunda sizi istiqamətləndirəcək və öz şərtlərinizə uyğun olaraq necə ev sahibliyi edə biləcəyinizlə bağlı bir neçə nümunə təqdim edəcəyik.

Aydın, təfərrüatlı elan yaradın

Elanınız qonaqların məkanınıza nəzər salmasını təmin edir və rezervasiya etməzdən əvvəl yaşayış şəraiti, eləcə də qiymətləriniz haqqında daha yaxşı fikir əldə etmələrinə yardım edir. Elanınızı yaradarkən bunları nəzərə alın:

  • Almaq istədiyiniz gecəlik qiymət və haqlar: Airbnb Ev Sahibi olaraq qonaqlarınızdan tutduğunuz gecəlik qiyməti siz təyin edirsiniz. Qiymətləri rezervasiyanı qəbul etməzdən əvvəl istənilən vaxt dəyişdirə bilərsiniz və qymətlər gecəlik və mövsümi olaraq dəyişə bilər. Həmçinin təmizlik, əlavə qonaqlar və daha çoxu üçün əlavə haqlar almağı da seçə bilərsiniz. Qiymətləndirmə ipuclarımız rəqabətədavamlı qiymət təyin etməyinizə kömək edə bilər.
  • Məkanınızda yerləşə biləcək qonaqların sayı: Elanınızda eyni vaxtda maksimum neçə qonağa ev sahibliyi etmək istədiyinizi bildirin. Qonaqlar yalnız qrupun ölçüsü bron şərtlərində qeyd etdiyiniz qonaq sayı ilə eyni və ya daha az olduqda yerinizi bron edə bilər.
  • Hansı imkanlar qonaqlar üçün əlçatandır: Qril və ya paltaryuyan maşınınız və quruducunuz olsa belə, bunları qonaqların istifadəsinə vermək məcburiyyətində deyilsiniz. Məkanınızda qonaqların hansı imkanlardan istifadə edə biləcəyini, nələrin istifadə edilə bilməyəcəyini və məhdud şəkildə nələrə icazə verildiyini qeyd edə bilərsiniz. Məsələn, Nyuport, Rod-Aylenddə Ev Sahibi olan Brayan elanının təsvirində yazır: "Qonaqlar istəsə, mənim paltaryuyan maşınımdan və quruducumdan istifadə edə bilər".

Ev qaydalarınızı təyin edin

Ev qaydalarının köməyi ilə ev sahibliyi tərzinizi aydın şəkildə çatdıra və qonaqlar üçün gözləntilər təyin edə bilərsiniz. Onlar həmçinin qonaqların yerinizin onlar üçün uyğun olub-olmadığına əvvəlcədən qərar vermələrinə yardım edir.

Ev qaydalarınız indi dörd yerdə aydın şəkildə göstərilir: elan səhifənizdə, qonaqlar məkanınızı bron etdikdə, eləcə də qonaqların səfərdən əvvəl aldığı "Çantalarınızı hazırlayın" başlıqlı e-poçtda və Gəliş Bələdçisində. Əsas qaydalarla standart ev qaydalarınıza daxil etdiyiniz hər şeyə nəzarət edə bilərsiniz.

Standart ev qaydalarınızı aşağıdakı sahələrdəki sabit seçimlərdən seçə bilərsiniz:

  • Ev heyvanları
  • Tədbirlər
  • Siqaret, veypinq və elektron siqaretlər
  • Səssiz saatlar
  • Giriş və çıxış vaxtları
  • Qonaqların maksimal sayı
  • Kommersiya fotoqrafiyası və video çəkilişi

Həmişəki kimi, standart ev qaydalarınıza yazılı əlavə qaydalar da əlavə edə bilərsiniz. Əlavə qaydalarınızda ayrıca balkon və ya şəxsi saxlama dolabı kimi qonaqların istifadə edə bilməyəcəyi bütün sahələr göstərilməlidir. Həmçinin yerli və regional adətlərlə bağlı qaydaları (məsələn, siesta müddətində səssizlik) və standart ev qaydalarına daxil olmayan tələbləri (məsələn, içəridə ayaqqabı geyinməyə icazə verilməməsi) əlavə edə bilərsiniz.

Qonağın (ya seçdiyiniz, ya da yazdığınız) qaydalarınızı pozduğunu düşünürsünüzsə, İcma Dəstəyi ilə əlaqə saxlayın. Rezervasiyanı ləğv etməli olsanız, sizə dəstək olacağıq.

Qeyd: Bütün ev qaydaları Airbnb-nin siyasət və şərtlərinə, o cümlədən xidmət şərtlərimiz və Ayrı-seçkilik əleyhinə siyasətimizə uyğun olmalıdır.

Ev qaydalarınızı necə redaktə edə bilərsiniz?

Rezervasiya parametrlərinizi seçin

Məkanınızın mövcudluğunu və istədiyiniz bron növlərini təqvim və bron parametrlərinizdə təyin edin. Bron parametrlərinizi təyin edərkən bunları nəzərə alın:

  • Mövcudluğunuz: Məkanınızın qonaqlar üçün nə vaxt əlçatan olacağına siz qərar verirsiniz. Başqa bir yerdə olduğunuz, dostlarınızı və ya ailənizi qəbul etdiyiniz və ya başqa səbəblərə görə ev sahibliyi edə bilməyəcəyiniz tarixləri təqviminizdə blok edə bilərsiniz. Təmizlik üçün daha çox vaxt ayırmaq və ya qonaqlar arasında fasilə vermək istəsəniz, hər qonaqlama arasında standart hazırlıq vaxtı da təyin edərək hər brondan əvvəl fasilə da yarada bilərsiniz.
  • Qonaqlar necə bron edə bilər: Ev Sahibi olaraq qonaqların məkanınızı necə bron etməsini seçə bilərsiniz: Dərhal Bron vasitəsilə və ya rezervasiya sorğusu göndərməklə. Dərhal Bron bütün qonaq tələblərinizə cavab verən və ev qaydalarınızı qəbul edən şəxslərin əlçatan tarixlərdə məkanınızı dərhal bron etməsinə imkan verir. Qonaqlar rezervasiya sorğusu göndərərsə, hər bir sorğunu ayrı-ayrılıqda nəzərdən keçirib təsdiq edirsiniz.
  • Qonaqlama müddəti: Yerli qanunlara uyğun olaraq məkanınızda minimum və maksimum qonaqlama müddətini seçə bilərsiniz. Bəzi Ev Sahibləri tələblərini mövsümi tələbə uyğun olaraq tənzimləyir və pik dövrlərdə iki gecə, hətta bir həftə minimum qonaqlama müddəti təyin edirlər.
  • Qabaqcadan bildiriş: Gələcəkdə hansı günlərdə qonaq qəbul edə biləcəyinizə əmin deyilsiniz? Problem deyil. Bronları nə qədər müddət əvvəlcədən qəbul etmək istədiyinizi parametrlərinizdə təyin edə bilərsiniz. Bu, qonaqların öhdəlik götürməyə hazır olmadığınız günləri rezervasiya etmələrinin qarşısını alır. Qonaqlar gəlməzdən əvvəl nə qədər vaxta ehtiyacınız olduğunu da təyin edə bilərsiniz. Məsələn, qonaq gəlməzdən daha çox müddət əvvəl bildiriş almaq istəyirsinizsə, parametrlərdə eyni və ya növbəti gün üçün rezervasiyaları bloklaya bilərsiniz.
  • Qonaq gəliş və gediş vaxtları: Gec çıxışlar və erkən girişlər xüsusilə də ard-arda bronlarınız olduğu halda digər rezervasiyalara mane ola bilər. Qonaqların gəliş və gediş vaxtlarını parametrlərinizdə təyin edə və elanınızı redaktə edərək qonaqlara bunun niyə vacib olduğunu bildirə bilərsiniz (məsələn: "Təmizlikçi saat 11:00-da gələcək").

Unutmayın ki, bron parametrlərinizi istənilən vaxt tənzimləyə bilərsiniz. Bundan əlavə, bron parametrlərinizi müntəzəm olaraq yoxlamaq və onların mövcudluğunuza və ev sahibliyi tərcihlərinizə uyğun gəldiyinə əmin olmağınız da faydalı ola bilər.

Arxayınlıqla ev sahibliyi edin

Ev sahibləri məkanına öz evləri kimi yanaşan qonaqları yüksək qiymətləndirir. Airbnb-də məkanınıza uyğun olan qonaqları cəlb etmək üçün istifadə edə biləcəyiniz bir sıra siyasətlər və qorumalar tətbiq etmişik.

Bu qorumalara əlavə olaraq, aydın elan təsvirləri, təfərrüatlı ev qaydaları və yenilənmiş bron parametrləri məkanınıza hörmətlə yanaşılmasını təmin etməyə yardım edə bilər. Beləliklə, qonaqlarınızı əminliklə qəbul edə və onlar üçün daha yaxşı təcrübə yarada bilərsiniz.

Bu məqalədəki məlumatlar dərc edildikdən sonra dəyişmiş ola bilər.

Seçilən cəhətlər

  • Elanınız neçə qonağa ev sahibliyi edəcəyinizi və onların istifadə edə biləcəyi imkanları təyin etməyinizə imkan verir

  • Ev qaydaları gözləntiləri təyin etməyinizə və qonaqlara ev sahibliyi tərzinizi göstərməyinizə yardım edir

  • Bron parametrləriniz qonaqların yerinizi nə vaxt bron edə biləcəyini müəyyən edir

Airbnb
10 noy 2020
Bu, faydalı oldu?