Airbnb.org ilə qaçqın qonaqlara ev sahibliyi etməyə hazırlaşmaq

İcmanızda yeni bir həyat qurmağa çalışan insanları səmimi qarşılamaq haqqında məlumat.
29 avq 2019 tarixində Airbnb tərəfindən
5 dəqiqəlik oxuma
25 avq 2023 tarixində yenilənib

Seçilən cəhətlər

  • Airbnb Airbnb.org qonaqlamaları üçün bütün ödənişlərdən imtina edir

  • Qonaqlarınızla və (müvafiq hallarda) Airbnb.org-un tərəfdaşı olan qeyri-kommersiya təşkilatları ilə əlaqədə qalmaq prosesin həm Ev Sahibləri, həm də qonaqlar üçün daha rahat keçməsinə yardım edir

  • Ev sahibliyi etməzdən əvvəl Airbnb-nin COVID-19 üzrə sağlamlıq və təhlükəsizlik tələblərini nəzərdən keçirin

Qaçqınlar və sığınacaq axtaranlar yeni bir ölkəyə köçərkən eyni zamanda həm yeni bir mədəniyyəti anlamaq, həm də sənəd işlərini tamamlamaq və iş tapmaq kimi bir çox praktiki məsələlərlə üzləşir. Airbnb.org-un qeyri-kommersiya tərəfdaşlarının sosial işçiləri qaçqınlara bu vacib işlərdə və daimi yaşayış yeri tapmaqda yardım edir. Bəzən qaçqınlar və sığınacaq axtaranlar özləri bu çətinliklərin öhdəsindən gəlməli olur.

Ev Sahibi olaraq qaçqınlara bu çətin vaxtda təhlükəsiz və rahat bir qonaqlama yeri təklif etsəniz, onların yeni mühitə alışmasına, müvəqqəti yerləşərək gələcəkləri üçün plan qurmalarına yardım edə və həyatlarında əhəmiyyətli bir anın iştirakçısı ola bilərsiniz.

Bu məqalədə həyatlarını yenidən quran qonaqlara ev sahibliyi etmək üçün necə hazırlaşacağınızla bağlı ipucları tapa bilərsiniz. Bu tövsiyələr qaçqın qonaqları qarşılayan digər Ev Sahiblərinin və qaçqın müştərilərinə yardım edən qeyri-kommersiya sosial işçilərinin məsləhətlərinə əsaslanır.

1. Yeriniz haqqında təfərrüatları aydın şəkildə çatdırın

Bron etməzdən əvvəl Airbnb.org-un IRCHIAS kimi qeyri-kommersiya tərəfdaşlarından birinin sosial işçisi, yaxud da ödənişli bron vauçeri almış potensial qonaq məkanınızla əlaqəli təfərrüatları təsdiq etmək üçün sizinlə əlaqə saxlaya bilər. Bu prosesi asanlaşdırmaq üçün elan təfərrüatlarınızın tam və aktual olduğuna əmin olun və bütün suallara dərhal cavab verin.

Qaçqın böhranı zamanı (hazırda Ukrayna xalqının qarşılaşdığı vəziyyət kimi) yaşayış yerinə ehtiyacın təcili və ciddi olduğunu bilmək vacibdir. Bəzi hallarda qonaqlar ilkin yardım müraciətindən bir-iki gün sonra yerləşmək şərtilə ən azı 30 günlük Airbnb.org qonaqlamaları üçün bron sorğuları göndərə bilər.

Bron prosesi zamanı qonağa və ya sosial işçiyə suallar verə bilərsiniz. Ehtiyac olduqda, Airbnb.org-un xüsusi təlim keçmiş dəstək komandasına da çıxış əldə edəcəksiniz.

2. Qaçqın qonaqların əlavə dəstəyə ehtiyacı ola biləcəyini anlayın

Qeyri-kommersiya tərəfdaşları müştərilərini çox vaxt ən vacib xidmətlərlə təmin edir: qida, nəqliyyat, tibbi xidmətlər, iş tapma və uzunmüddətli yaşayış yeri ilə bağlı yardım.

Ukrayna qaçqınlarının sayı çox olduğuna görə bu dəstək xidmətlərinə tələbat son dərəcə yüksəkdir. Qonaqlardan xahiş edirik ki, mümkün olduqda öz əsas ehtiyaclarını təmin etsinlər ki, ən çox ehtiyacı olan şəxslər dəstək ala bilsin.

Ev Sahibi olaraq qonaqlarınızın yeni icmaya alışmasına yardım etmək üçün yerli resurslarla bağlı onlara məlumatlar verə bilərsiniz. Lakin bu, məcburi deyil.

Kanadanın Vankuver şəhərindən Ev Sahibi Sara deyir: "Ana olaraq dərhal praktik ehtiyacları düşünməyə başladım. "Geyimə ehtiyacları var? Soyuducuya ərzaq qoymalıyıq? Ərzaq alış-verişində yardıma ehtiyacları olacaq? Sara bu sualları qonaqlarının qeyri-kommersiya sosial işçinə göndərdikdə, sosial işçi ev sahibliyi edəcəyi ailənin uşaqlar üçün əlavə adyallar və kiçik oyuncaqlardan məmnun qala biləcəyini bildirmişdi.

Kanadanın Ontario əyalətindən Ev Sahibi Adam Ukrayna əsilli olduğuna və Airbnb.org vasitəsilə əvvəllər qaçqınlara ev sahibliyi etmiş olduğuna görə, Ukraynadakı münaqişədən qaçan insanlara yaşayış yeri təklif etməkdə tərəddüd etmədi. Öz məkanına və idarə etdiyi əmlaklara ev sahibliyi edən Adam insanlara həyatlarını yenidən qurmaqda yardım edir: qonaqlarını yerli Ukrayna icma mərkəzinə təqdim edərək Ukrayna mədəniyyəti və icması ilə əlaqə qurmalarını təmin edir, yerli mağazalar, kilsələr barədə danışır və bölgədəki peşəkar inkişaf kursları haqqında məlumat verir. "Onlardan soruşuram: "Ölkənizdə nə edirdiniz?" və onları uyğun şəkildə istiqamətləndirməyə çalışıram", - o deyir.

3. Məxfiliyə önəm verin

Digər Airbnb qonaqları kimi hər bir qaçqın fərd və ya ailənin də məxfiliyə ehtiyacı var. Evdə qonaqların ayrıca istirahət edə və ya ailə olaraq birlikdə vaxt geçirə biləcəyi sahələri (səssiz otaq, həyət və ya başqa bir yer) müəyyən etmək qonaqların alışma prosesini asanlaşdıra və özlərini evlərindəki kimi hiss etmələrinə yardım edə bilər.

Sara deyir: "[Ev sahibliyi etdiyimiz] ailə nə qədər yalqız qalıb nə qədər sosiallaşacağına özü qərar verir". "Onları bağçada və ya alış-verişdən gəlib ərzaqlarını yerləşdirərkən gördükdə mehriban davrandıq, lakin ümumilikdə işlərinə çox qarışmamağa çalışdıq".

4. COVID-19 üzrə sağlamlıq və təhlükəsizlik protokollarına əməl edin

Airbnb Ev Sahiblərinin daha təhlükəsiz qonaqlama təmin etməsinə yardım üçün qaydalar və proqramlar təqdim edib. Bəzi əsas faydalı məlumatlar:

  • Yerli qanunlar və qaydalar tələb etdikdə maska taxın və sosial məsafə saxlayın
  • Hər qonaqlamadan sonra Airbnb-nin 5 mərhələli geniş təmizlik prosesini tətbiq edin
  • Bu yaxınlarda COVID-19-a yoluxmusunuzsa və ya simptomları varsa, səyahət və ya ev sahibliyi etməyin
Airbnb-nin COVID-19 ilə bağlı sağlamlıq və təhlükəsizlik tələbləri haqqında ətraflı məlumat əldə edin

5. Daha çox resurs əldə edin

Qaçqın qonaqlar səyahətləri ərzində ciddi çətinliklər yaşamış ola bilər. Qaçqın təcrübələri haqqında daha çox məlumat əldə etmək istəyirsinizsə, qeyri-kommersiya tərəfdaşlarımızın tövsiyə etdiyi bu resurslara nəzər salın:

  • Qaçqınlarla iş haqqında ətraflı məlumat
  • Airbnb.org-un tərəfdaşı olan Beynəlxalq Miqrasiya Təşkilatından cari Ukrayna qaçqın böhranı haqqında məlumat əldə edin
  • Airbnb.org-un tərəfdaşı olan Beynəlxalq Xilasetmə Komitəsindən (IRC) Əfqanıstandan olan insanların üzləşdiyi böhran haqqında məlumat əldə edin.

Tez-Tez Verilən Suallar

Ukraynanı tərk edən insanlar müvəqqəti qonaqlamaları necə bron edir?
Bir nəfər və ya ailənin müvəqqəti yaşayış yerinə ehtiyacı olduğu müəyyən edildikdən sonra qeyri-kommersiya sosial işçisi onlara qonaqlama bron etməkdə kömək edə bilər və ya qonağa özünün müvəqqəti qonaqlama bron etməsinə imkan verən bron vauçeri göndərilə bilər.

Airbnb.org vasitəsilə fövqəladə yaşayış yeri üçün bron sorğusu göndərildikdə Ev Sahiblərinə bron prosesi zamanı məlumat verilə bilər.

Qaçqın qonaqları nə qədər müddətə yaşayış yeri ilə təmin etməliyəm?
Airbnb.org qonaqlamaları, adətən, bir neçə gündən bir neçə həftəyə qədər müxtəlif müddətlər üçün bron edilir. Bununla belə, Ukraynadan milyonlarla insanın qaçdığı bir vaxtda qeyri-kommersiya və dövlət qurumları çoxlu sayda yardım sorğusu alır. Odur ki, bəzi qonaqlar üçün 30 günlük və ya daha uzunmüddətli qonaqlama ehtiyacı yaranır.

Bəzi şəhərlər qaçqın yaşayış yerləri üçün qonaqlama müddəti məhdudiyyətlərini ləğv edib. Regionunuzda hansı qaydaların tətbiq olunduğunu öyrənmək üçün müvafiq yerli orqanlarla əlaqə saxlayın.

Qaçqın qonağın qonaqlaması bitdikdən sonra nə baş verir?
Qaçqın qonaq müvəqqəti qonaqlaması zamanı daha uzunmüddətli qonaqlama yerləri tapmaq da daxil olmaqla yeni bir yerdə həyatını qurmaq üçün növbəti addımları planlaşdırmağa çalışa bilər.

Qonaqların ehtiyac olduqda əlavə dəstək almaq üçün yerli qeyri-kommersiya təşkilatları ilə sıx əməkdaşlıq edən ixtisaslaşmış Airbnb.org dəstək komandasına birbaşa girişi var.

Qeyri-kommersiya təşkilatları Ukrayna böhranının görünməmiş miqyası səbəbindən ən təcili ehtiyacı olan kimi qiymətləndirdikləri şəxslərə ilk olaraq əlavə yardım təklif etməlidir. Hazırda hər bir qonağın daha uzunmüddətli dəstək ala biləcəyinə zəmanət vermək mümkün deyil.

Qonaqlamanın sonunda qonağın əlavə müvəqqəti yaşayış yerinə ehtiyacı olarsa, Airbnb.org ilə əlaqə saxlayaq iki həftəyə qədər əlavə qonaqlama yeri üçün sorğu göndərə bilər.

İnsanlar fövqəladə qonaqlamalarla bağlı tələblərə necə cavab verir?
Airbnb.org çox vaxt potensial qonaqların ehtiyaclarını və uyğunluğunu qiymətləndirmək də daxil olmaqla, yerində dəstəyi asanlaşdırmaq üçün böhrana müdaxilə və qaçqınların yerləşdirilməsi üzrə ixtisaslaşmış qeyri-kommersiya təşkilatları və yerləşdirmə qurumları ilə əməkdaşlıq edir.

Airbnb.org-da özləri üçün müvəqqəti qonaqlama yerləri bron edən qonaqların Airbnb hesabı yaratması tələb olunur və bu prosesdə şəxsiyyətin təsdiqlənməsi yoxlamaları da keçirilə bilər.

Airbnb.org ev sahibliyi Super Ev Sahibi statusuma necə təsir edir?
1 aprel 2022-ci il tarixindəki Super Ev Sahibi qiymətləndirməsi üçün (1 aprel 2021-ci ildən 31 mart 2022-ci ilə qədər olan məlumatlar daxil edilir):

Başlamağa hazırsınız? Getdikcə böyüyən bir icmaya qoşulunAirbnb.org vasitəsilə ehtiyac zamanlarında paylaşmanın gücünü hiss edin.

Seçilən cəhətlər

  • Airbnb Airbnb.org qonaqlamaları üçün bütün ödənişlərdən imtina edir

  • Qonaqlarınızla və (müvafiq hallarda) Airbnb.org-un tərəfdaşı olan qeyri-kommersiya təşkilatları ilə əlaqədə qalmaq prosesin həm Ev Sahibləri, həm də qonaqlar üçün daha rahat keçməsinə yardım edir

  • Ev sahibliyi etməzdən əvvəl Airbnb-nin COVID-19 üzrə sağlamlıq və təhlükəsizlik tələblərini nəzərdən keçirin

Airbnb
29 avq 2019
Bu, faydalı oldu?