Airbnb və Ev Sahibləri səhiyyə xidmətlərini və təhsili təşviq edir

2014-cü ildə Hocin və həyat yoldaşı böyük bir qərar verdilər: Seul mərkəzli elektron məhsullar istehsalı firmasındakı iş yerlərini tərk edərək dünya turuna çıxdılar. Növbəti il ərzində beş qitədə 30 ölkəni araşdırdılar və ziyarət etdikləri hər bir yerdə Airbnb-də elanı yerləşdirilmiş evlərdə qalmağı seçdilər. 

Ev Sahibləri tərəfindən səmimi qarşılanmaq Hocini digər səyahətçilər üçün bənzər təcrübələr yaratmağa ilhamlandırdı. O, Airbnb Ev Sahibi oldu. Həyat yoldaşı ilə birlikdə artıq Seulda üç elanları var və yeddi ildən çoxdur ki, burada qonaqları qarşılayırlar.

"Səyahət etməyin insanların inkişafına kömək etdiyinə və yaşadıqları icmalarda müsbət təsir yaratdığına inanırıq", - Hocin deyir.

Hocinin icmaya diqqəti ev sahibliyindən daha genişdir. Hocin Seul Ev Sahibi Klubunun İcma Lideri olaraq Good Neighbors International təşkilatını Airbnb İcma Fondu ianəsi üçün namizəd təklif edib. Klub üzvlərinə hər il İcma Fondu vasitəsilə yerli icmaları dəstəkləmək fürsəti verilir. 

Beynəlxalq yardım və inkişaf sahəsində çalışan Seul mərkəzli qeyri-kommersiya təşkilatı Cənubi Koreyada uşaqlar üçün 52 sosial rifah xidmətləri şöbəsi də daxil olmaqla 42 ölkədə fəaliyyət göstərir. Hədəfləri yoxsulluğa son qoymaq, uşaq hüquqlarını qorumaq və özünə güvənən, inklüziv icmaları dəstəkləməkdir. 

Seul Ev Sahibi Klubunun nominasiyası sayəsində Good Neighbors International təşkilatı Airbnb İcma Fondundan 75 000 ABŞ dolları məbləğində ianə alıb. İanə təşkilatın qlobal təhsili və səhiyyə xidmətlərinə və təmiz içməli suya çıxış imkanlarını təkmilləşdirmək səylərini dəstəkləyəcək.

Klub üzvləri həmçinin təşkilatın Cənubi Koreya icmasındakı fəaliyyətlərindən, məsələn, gənclərə mensturasiya ləvazimatları təmin etməsindən ilhamlanıb və könüllü olmağı planlaşdırırlar.

2023-cü ildə Airbnb İcma Fondu ianələri üçün bütün dünyada 50-dən çox Ev Sahibi Klubu qeyri-kommersiya təşkilatları arasından namizədlər irəli sürüb. 2024 İcma Fondu ianələri üçün nominasiyalar artıq açıqdır. Ətraflı məlumat üçün yerli Ev Sahibi Klubunuzla əlaqə saxlayın.

Bu məqalədəki məlumatlar dərc edildikdən sonra dəyişmiş ola bilər.