Airbnb icması üçün anti-irqçilik resursları

Keçən il Corc Floyd, Brianna Teylor, Ahmad Arberi və digər saysız Qaradərililərin faciəvi ölümü Ev Sahibləri və qonaqlar da daxil olmaqla bir çoxları üçün xüsusilə çətin dövr yaratdı. Asiyalılar əleyhinə zorakılıqda da artımın şahidi olduq.

Airbnb-nin Black@ işçi resursu qrupu Aktivizm və Müttəfiqlik Təlimatını hazırladı və bunu ABŞ-dakı icmamızla paylaşdıq. Məqsəd zərər görmüş, qəzəblənmiş, qorxmuş və ya necə dəyişiklik edəcəyini bilməyən Ev Sahiblərinə və qonaqlara dəstək olmaq, eləcə də icmamızın üzvlərini daha yaxşı müttəfiq olmaları üçün resurslarla təmin etmək idi.

Dünyadakı bəzi Ev Sahiblərinin və qonaqların hələ də mənsubiyyət yaratmaq missiyamızla birbaşa ziddiyyət təşkil edən ayrı-seçkiliklə qarşılaşdıqları barədə acı həqiqəti qəbul etmədən son tədbirlər haqqında danışa bilmərik. 2016-cı ildə Airbnb Ayrı-seçkilik Əleyhinə Siyasətimizi və İcma Öhdəliyimizi başlatdı. O vaxtdan bəri razılaşmaqdan imtina edən 1,3 milyon şəxs platformamızdan silinib. Hələ də görəcəyimiz işlər var və ayrı-seçkiliklə mübarizəyə davam edirik.

Bu yaxınlarda Asiya-Sakit Okean Regionu icmasını dəstəkləməyə yardım etmək üçün resurslar paylaşdıq və yuxarıda qeyd etdiyimiz Aktivizm və Müttəfiqlik Təlimatını genişləndirdik.

Yenilənmiş Aktivizm və Müttəfiqlik Təlimatında ABŞ, BK və Aİ-də, eləcə də İrlandiya, Cənubi Afrika, Kanada və daha çox ölkədə anti-irqçilik fəalları və ekspertlərinin materialları və təklif etdikləri fəaliyyətlər təqdim edilir. Bu yeni resursları sizinlə paylaşmağın faydalı olacağını düşündük, çünki hamımız daha yaxşı və daha fəal müttəfiq olmaq üçün birlikdə çalışırıq.

Özünüzə yaxşı baxın və təhlükəsiz qalın.

Həmrəylik içində,

Airbnb Komandası

Bu məqalədə yer alan məlumatlar dərc edildikdən sonra dəyişmiş ola bilər.