İnklüziv qonaqpərvərliyi tətbiq etmək və qərəzlə mübarizə aparmaq

Ekspertlər faydalı strategiyaları qeyd edir və Ev Sahibləri üçün təlimat təklif edir.
26 dek 2019 tarixində Airbnb tərəfindən
10 dəqiqəlik oxuma
14 iyn 2022 tarixində yenilənib

Seçilən cəhətlər

  • Qərəz əsasən şüuraltı səviyyədə mövcud olur

  • Potensial qonaqları dəyərləndirərkən obyektiv meyarlardan istifadə edin

  • Sözünüzü deməklə və hər kəs üçün eyni standartları tətbiq etməklə tədbir görün

Airbnb səyahətlərin əlaqələri inkişaf etdirməyə, eləcə də daha açıq və inklüziv dünya qurmağa kömək edə biləcəyinə inanır. Ayrı-seçkilik insanlar arasında əlaqə üçün olduqca real bir maneədir. Odur ki, bu problemi həll etmək çox vacibdir.

Airbnb Ev Sahiblərin və qonaqların ayrı-seçkiliyi və buna səbəb olan qərəzləri anlamasına yardım etmək üçün tanınmış sosial psixoloqlar, Harvard Universitetindən Dr. Robert V. Livinqston və Lourens Universitetindən Dr. Peter Qlik ilə əməkdaşlıq etdi. Bu məqalədəki təlimatlar və tövsiyə olunan yanaşmalar onların tədqiqat və biliklərinin bəhrəsidir.

Ayrı-seçkilik və qərəz: Fərq nədir?

"Qərəz" dedikdə bir şəxs haqqında irqi, dini, milli və etnik mənsubiyyət, əlillik, cinsiyyət, gender kimliyi, cinsi oriyentasiya və ya yaş kimi xüsusiyyətlərə əsaslanan hiss və fərziyyələr nəzərdə tutulur. "Ayrı-seçkilik" xüsusiyyətlərinə görə bir insana qarşı fərqli davranmaqdır. Qərəz hər zaman ayrı-seçkiliyə yol açmasa da, adətən onun başlanğıc nöqtəsi olur.

Üstüörtülü qərəz nədir?

Əsasən şüuraltı səviyyədə mövcud olan qərəzə çox vaxt “üstüörtülü qərəz” də deyilir. Üstüörtülü qərəz insanlara münasibətimizə təsir göstərə bilər. Bəzən fərqinə varmadan ayrı-seçkilik etməyimizə səbəb olur.

Cinsiyyətçilik və LGBTQ ilə bağlı qərəz

Fərqində olub-olmamağımızdan asılı olmayaraq, gender rolları cəmiyyətdə dərindən kök salıb və əksəriyyətimiz insanların necə davranmalı olduqları barədə qəti düşüncələrimizin formalaşmasında bundan istifadə edirik. Gender stereotiplərinin LGBTQ (lezbiyan, gey, biseksual, transseksual, sual edən, homoseksual) insanlar üçün əhəmiyyətli təsiri var, çünki onların gender kimlikləri cəmiyyət normalarına meydan oxuyur.

Unutmayın ki, gender və LGBTQ məsələlərində mövqeyiniz necə olursa olsun, başqalarına qarşı göstərdiyiniz qonaqpərvərlik sizdən onların düşüncələrini və ya həyat tərzlərini mənimsəməyinizi tələb etmir.

Stereotiplərin rolu

Qərəzin özünü göstərdiyi vasitələrdən biri də stereotipdir. Stereotip müəyyən insan tipləri ilə bağlı geniş yayılmış, lakin həddindən artıq sadələşdirilmiş hər hansı bir fikirdir. Stereotiplərdən hər kəs müəyyən dərəcədə istifadə edir - bəzən bilərək, bəzən bilməyərək. İnsan qruplarını stereotipləşdirmək çox vaxt ayrı-seçkiliyə, istənməyən təhqirlərə və ifrat ədalətsizliyə gətirib çıxara bilir.

Necə tədbir görə bilərsiniz

Ayrı-seçkilik Airbnb-nin əsas dəyərlərinə ziddir və platformamızda qadağandır. Bu, üstüörtülü qərəzdən qaynaqlansa da, idarə oluna və qarşısı alına biləndir.

Hər Ev Sahibinin qərəzlə mübarizə aparmaq və daha inklüziv bir icmanın yaradılması yolunda ata biləcəyi bəzi addımlar bunlardır:

      • Açıq söyləyin. Profilinizə qapınızın hər kəs üçün açıq olduğunu bildirən mesaj əlavə edin. Bu, qonaqlara qapılarınızın onlara açıq olduğu mesajını verməklə yanaşı, digər Ev Sahiblərini də müxtəliflik və qəbul olunma kimi dəyərləri mənimsəməyə həvəsləndirə bilər.
      • Hamı üçün eyni standartlardan istifadə edin. Hər dəfə hər potensial qonağı dəyərləndirmək üçün istifadə edəcəyiniz obyektiv meyarlar dəsti yaradın. Məsələn, tarixlər sizə uyğundur? Qalmağa gələn qonaqların hamısını yerləşdirə bilərsiniz? Meyarlarınız müxtəlif vəziyyətlərdə dəyişkən olarsa, qərar vermə prosesinizdə qərəzə yol verilə bilər.
      • Qərar qəbul edərkən diqqətli olun. Qonağı qəbul və ya imtina etməzdən əvvəl niyə bu qərara gəldiyinizi düşünərək təyin etdiyiniz meyar əsasında özünüzə əsaslı izah verin. Özünüzə sual verin: İmtina səbəbini qonağa üz-üzə rahatlıqa söyləyə bilərdinizmi?
      • Stereotipləri unudun. Üstüörtülü qərəzlərdən qurtulmanın isbatlanmış bir üsulu stereotiplərə zidd olan təcrübə və məlumatlar əldə etməkdir. Rahatlıq zonanızdan çıxın və müxtəlif mənşələrdən və icmalardan olan insanlarla tanış olun. Fərqli təbəqələrdən olan Airbnb qonaqlarını qəbul edin. Pozitiv əlaqə və sosial ünsiyyət qərəzi azalda bilər.

      Bütün qonaqlara xoş qarşılandıqlarını hiss etdirmək üçün ipucları əldə edin

      Bu məqalədəki məlumatlar dərc edildikdən sonra dəyişmiş ola bilər.

      Seçilən cəhətlər

      • Qərəz əsasən şüuraltı səviyyədə mövcud olur

      • Potensial qonaqları dəyərləndirərkən obyektiv meyarlardan istifadə edin

      • Sözünüzü deməklə və hər kəs üçün eyni standartları tətbiq etməklə tədbir görün

      Airbnb
      26 dek 2019
      Bu, faydalı oldu?