Texasdakı bir ev sahibi evini niyə qaçqın ailəsinə açdı?

Open Homes artıq Airbnb.org-dur

Airbnb-nin Open Homes proqramı artıq Airbnb.org adlanır və 501(c)(3) kateqoriyalı yeni qeyri-kommersiya təşkilatıdır. Bizimlə birlikdə Open Homes icmasını qurduğunuz üçün təşəkkür edirik. Bu yeni layihədə iştirak edəcəyinizə görə məmnunuq.

Airbnb Ev Sahibləri bütün dünyadan olan səyahətçilərə evlərinin qapılarını açır və həyatlarını onlarla paylaşır. Bir çoxları isə sadəcə ev sahibliyi etməklə kifayətlənməyib. İcmamızın hərarətindən və səxavətindən ruhlanan Airbnb qaçqınların geniş miqyasda evlər tapmasına yardım etmək üçün bir çox qaçqınlara yardım qurumları ilə tərəfdaşlıq qurdu.

Ev sahiblərimiz hər kəsin istədiyi yerə mənsub ola biləcəyi bir dünya qurmağa yardım edir. Dallasdan olan Super Ev Sahibi Linda bunun canlı bir nümunəsidir. Ailəsinə iki həftə ərzində bir qaçqın ailəsinə ev sahibliyi etməklə bağlı zəng vurulduqda tərəddüd etmədən "hə" dedi. "Bunu müsbət şəkildə tədbir görmək üsulum kimi qəbul etdim...", - o deyir.

Məhəmməd həyat yoldaşı və körpə oğlu ilə birlikdə oraya gəldikdə iki ailə arasında dərhal əlaqə quruldu. Məhəmməd İraq müharibəsi zamanı ABŞ ordu bazasında şəbəkə administratoru və tərcüməçi qismində fəaliyyət göstərib. Onun fəaliyyəti ABŞ-ı dəstəklədiyi üçün həyatı təhlükədə idi.

Ev sahibi və qonaq münasibətləri hər iki ailənin dünyagörüşündə davamlı təəssürat yaradaraq ömürlük dostluğa çevrildi.

İki həftəlik qonaqlama bitdikdən sonra Linda və ailəsi onlara mənzil və mebel əşyaları tapmaqda kömək etməyə davam etdi. Ailə uyğun bir yer axtararkən onlara əlavə bir ay da pulsuz ev sahibliyi etmək qərarına gəldilər. Həmin ay ərzində Lindanın əri onlara icarə qiymətinin azaldılması ilə bağlı danışıqlar aparmağa kömək etdi və Sinaqoqdakı yəhudi icmasının ianələri ilə yeni mənzillərini tam təchiz edə bildilər.

Ailə yeni evinə yerləşdikdən sonra da icmanın yardımı davam etdi. Dostlarının yardımı sayəsində pul toplayıb ailə üçün bir avtomobil aldılar. Yenə də Sinaqoq icmasının səxavəti sayəsində Məhəmmədin oğlu məktəbəqədər təhsil müəssisəsində təhsil almağa dəvət edildi. Məhəmməd, ailəsi və məskunlaşmalarına yardım edənlərin bir-biri ilə tanış ola bilməsi üçün branç yeməyi təşkil etdilər.

Məhəmməd deyir ki, Lindanı bir ana olaraq görür və öz mənzillərinə köçdükdən sonra da mütəmadi olaraq Linda və ailəsi ilə görüşməyə davam edirlər. Bir zaman yad adamlar ikən, artıq ailə üzvləri olublar.

Yeni həyata başlamaq qorxuducu ola bilər. Məhəmməd bu kiçik icma tərəfindən qarşılanacağını və fərqli mənşədən olan insanların onlara hörmətlə yanaşacağını heç vaxt gözləmədiyini deyir. Airbnb vasitəsilə Linda və onun ailəsi ilə tanış olmaq onların həqiqətən mənsub olduqlarını hiss etməsinə imkan verib.

Çətin vaxtlarda paylaşmanın gücünü ortaya çıxaran və getdikcə böyüyən icmaya qoşulun.

Bu məqalədəki məlumatlar dərc edildikdən sonra dəyişmiş ola bilər.