Daha davamlı Ev Sahibi olmağınız üçün yardım

Hər ay Ev Sahibi Məsləhət Şurasından son yeniləmələri paylaşır və idarə heyəti üzvlərini tanımağınıza yardım edirik.

Hər kəsə salam,

Adım Anna Consdur. Ev Sahibi Məsləhət Şurasının üzvü və davamlılıq komitəsinin vasitəçisiyəm. Son bir neçə ayda Airbnb liderləri ilə görüşərək Ev Sahiblərini daha ətraf mühit yönümlü olmaq yolunda necə dəstəkləyə biləcəyimizi araşdırdıq.

22 Aprel Dünya Gününün qeyd olunması münasibətilə nələr etdiyimizin təfərrüatlarını paylaşacağım üçün çox həyəcanlıyam.

Aydındır ki, bir çox Ev Sahibi daha davamlı olmağa necə başlayacağını bilmir. Bu barədə həddindən artıq cox məlumat var və bu, adətən, insanı yorur.

Məsləhət Şurasına qoşulduğum zaman hədəflərimdən biri də Ev Sahiblərinin davamlılıq konseptini daha əlçatan hiss etmələri idi. Həqiqətən inanıram ki, bir-birimizi dəstəkləmək və həvəsləndirməklə müsbət dəyişiklik yarada bilərik.

Airbnb ilə birgə bunun üzərində necə işləyirik:

• Davamlılıq təlimi silsiləsini təqdim edirik: Airbnb Ev Sahibləri üçün maarifləndirici məzmun yaratmaq məqsədilə ətraf mühit üzrə qlobal müdafiəçi olan Birləşmiş Millətlər Təşkilatının Ətraf Mühit Proqramı, dünya üzrə qabaqcıl qoruma təşkilatı olan Ümumdünya Təbiəti Mühafizə Fondu, eləcə də Ev Sahibi Məsləhət Şurasının davamlılıq komitəsi ilə yaxından əməkdaşlıq etdi.Bura yeni başlayanlar üçün davamlı Ev Sahibi olmaq üzrə bələdçi kimi yeni məqalələr və qonaqlarınız ilə davamlı turizmin təşviqi üçün ipucları daxildir. Bu silsiləni il boyu genişləndirəcəyik, bu da o deməkdir ki, ətraf mühit yönümlü olmağın daha çox yollarını öyrənmək üçün bizi izləyin.
• Digər Ev Sahiblərinin necə fərq yaratdığını paylaşırıq: Davamlılıq tədbirləri yaşadığınız yerdən və mövcud imkanlardan asılı olaraq çox fərqli ola bilər. Ev Sahiblərinə müxtəlif yer və məkanlarda davamlı olmağın yollarını göstərmək üçün dünyanın hər yerindən olan ətraf mühit yönümlü Ev Sahibləri diqqət mərkəzimizdə olacaq. Onlardan birincisi Kaliforniya, Hollivud-Biçdə çimərlik evi olan Super Ev Sahibi Tiffanidir.
  
• Yenilənə bilən enerji üzrə əməkdaşlıqları araşdırırıq: Yenilənə bilən enerjinin Ev Sahibləri üçün daha əlçatan olmasına yard;m etmək məqsədilə Airbnb seçilmiş icmalarda yaşıl kommunal şirkətlərlə əməkdaşlıqları araşdırır. Airbnb tezliklə ABŞ-da pilot proqramı işə salacaq və Ev Sahibləri bunu faydalı hesab edərsə, qlobal Ev Sahibləri icmasına bənzər təkliflər təqdim etmək üçün çalışacağıq.

Bunun hələ başlanğıc olduğunu paylaşmaq məni olduqca xoşbəxt edir. Davamlılıq icması Ev Sahiblərinə daha yaşıl olma, həmçinin qənaət etmə yolunda yardım etməyin yeni yollarını araşdırmağı çox istəyir. Bu mövzu ilə bağlı bütün il boyu ətraflı məlumatlar paylaşacağıq.

Uelsin Pembrukşir şəhərində dəniz kənarında yaşamaq yeni bir həyəcan yaratdı və daha davamlı həyat tərzi yaratmaq üçün məni ruhlandırdı. Digər Ev Sahiblərinə bu səyahətə başlamaqda yardım edə bildiyim üçün çox xoşbəxtəm. Bir az da mənim haqqımda:

2017-ci ildə ailəmlə birgə həyat tərzimizdə dəyişiklik axtarırdıq və Airbnb-də elan yaratmağı həqiqətən çox istəyirdik. Sonra bu gözəl köhnə ferma çıxdı və bizi valeh etdi. Bütün binalar 1650-ci ilə aiddir, buna görə də burada inanılmaz cazibə və hüzur hökm sürür.

Bu sadəcə heyrətamiz mənzərə və sahil deyil. İnsanlar o qədər ruhlandırıcıdır ki - onlar torpağa, etdikləri işə olduqca bağlıdır. Bu, yoluxucudur. Yerli icmamız qonaq təcrübəsinin ayrılmaz hissəsidir - yerli istehsal olan sabunlarımızdan divarları bəzəyən yerli incəsənətədək.

İki elanımız var. Bütün yeni dəyişikliklər və dizayn anama və mənə aiddir. Təmir işlərindən isə tamamilə atam cavabdehdir. Hər şeyin arxasında biz və böyük komanda səyi dayanır. Bu işə qanımızla, canımızla bağlıyıq və yaşadığımız yerə olan sevgimiz aşıb-daşır.

Davamlılıqla bağlı yanaşmamızı elan təsvirimizə əhatəli şəkildə əlavə etmişəm. Çap edib kotteclərə də qoymuşuq ki, insanlar oxusun və nə etdiyimizi bilsin. Ocaqlarımızda yandırmaq üçün öz davamlı ağaclarımızı da yetişdiririk.

2019-cu ildə qurulan Airbnb BK İcma Şurasının qurucu üzvlərindən biri idim və hal-hazırda bir sıra BK ev sahibi, eləcə də Airbnb komandası ilə davamlı ev sahibliyi üzrə təşəbbüslərə rəhbərlik edirəm.

Təbiətlə təmasda olmaq sehirli səyahət idi. Fəsillər və dənizin ritmi ilə ahəngə qovuşdum və bu burada etdiyimiz hər şeydə əks olunub.

Çox insan burada qaldığı zaman özü və təbiət ilə yenidən bağ qurur - bəzən özümü Amur kimi hiss edirəm, çünki qonaqlar Pembrukşirə aşiq olur və bura yenidən qayıdır.

Ev Sahibi Məsləhət Şurası gələn ay idarə heyəti iclaslarımızdan daha çox yeniləmələrlə geri dönəcək. Ümid edirəm ki, o zamanadək yeni davamlılıq silsiləsindən faydalanacaqsınız.

Sağlığa! (Yaxud da bizim burada, Uelsdə dediyimiz kimi "Iechyd da!")

Anna Cons

Bu məqalədə yer alan məlumatlar dərc edildikdən sonra dəyişmiş ola bilər.